হৌখিবা মে ১৩ দা খূৎলায় পায়বা কুকি মিলিটেন্টশিংনা ফাজীনখিবনি হায়রিবা নাগা কাঙলূপকী মীচম ৬ অদূ খূদক্তা থাদোরক্কদবনি হায়বা দিমান্দ তৌদুনা থা অসীগী মরি, শগোলশেন নুমিত্তা ওল নাগা ষ্টূদেন্টস এসোসিয়েসন, মনিপুর (অন্সম) না শীন্দুনা মীয়ামগী অচৌবা রেল্লি অমা চৎখ্রে। ঊখ্রূলদা লৈরিবা তাঙ্খুল কতম্নাউ শক্লোংগী ওফিসতগী নুমিৎয়ুংবা মতম অদুৱায়দগী চৎখিবা মীয়ামগী অচৌবা খোঙচৎ অদুদা সিভিল সোসাইটি ওর্গানাইজেসনশীং, মহৈরোয় লূপশিং অমসুং নূপা,নূপী খুঞ্জাশিংসু শরূক য়াখি। খোঙচৎ অদু নেস্নেল হায়ৱে ২০২ দা লৈরিবা মাখান ভিল্লেজ ফাওবা য়ৌশিনখি।
মীয়াম অদুনা হৌজিক ফাওবদা কুকি মিলিটেন্টশিংনা হোষ্টেজ ওইনা ফাজীন্দুনা থমখ্রবা নাগা মীচম ৬ অদূ মশক উবা ফংলক্তবগী অৱাবা মৈচাক খাঙলিবা ঈমূঙ-মনূঙগী মীওইশিংগা উনদুনা ৱারী-ৱাতাই শানখি। নাগা সিভিলিয়ান তরুক অদূ থাদোরক্নবা অন্সম্না ষ্টেট লৈঙাক্কি মফমদা অল্টিমেটম পীখিবগী মতম লোইখ্রবসু লৈঙাক্না থবক ওইনা পাঙথোকপা ঙমখিদ্রবা মতূংদা মহৈরোয় লূপ অসীনা খোঙচৎ অদূ ঊখ্রূলদা শীনখিবনি।
ষ্টেট লৈঙাক্কি মায়কৈদগী নাগা মীচম ৬ অদূগী চপচাবা অরেপ্পা লৈফম, ফীভম অমত্তা ফোঙদোকপা ঙমদনা লৈরিবা মওং অসীবু খোঙচৎ অদূদা শরূক য়াখিবা মীয়াম্না খম থেংনা পেন্দবা ফোঙদোকখি। অৱাবা মায়োক্নরিবা ঈমূঙশিংগী পেন্দবা, নুঙাইতবা পূম্নমক্তা নাগাগী মীয়ামসু শরূক য়ারি হায়না অন্সমগী লুচিংবশিংনা ফোঙদোকখি।
You may also like
-
প্রাইমারিগী থাক্তা এনভাইরনমেন্ত এৱ্যের্নেসকি সবজেক্ত য়াওহন্নবা হোৎনরি: গোবিন্দাস
-
২৫ শুবা “দি গ্ৰেট জূন অপরাইজিং এন্দ য়ুনিটি দে” থৌরমদা মীয়াম্না মপূঙ ফানা শরুক য়াবিয়ু: ধিরেন
-
ব্রাউন সূগরনি হায়বা দ্রগ এয়রপোর্ট তগী ফাগৎখ্রে
-
থৌবাল দিষ্ট্রিক্ট পুলিসকি হবিল্ডার অমা থাঙনা থিনবদগী লৈখিদ্রে
-
থৌবাল কৈথেল থোঙ লোন্দুনা চঙশীল্লকপা খোঙজঙ হেন্না কন্সীল্লক্লি