গুৱাহাটিদা লৈবা প্রগজ্যোটিসপুর য়ুনিভর্সিটিনা হৌখিবা কুমশিং ২০২২ দগী হৌনা চহী খূদীঙগী ক্লাস টুয়েল্ব এগজামিনেসন্দা চাদা ৬০ অমসুং মসীগী মথক্তা মার্ক ফংবা মহৈরোয়শিংদা সার্টিফিকেট, মোমেন্টোনচিংবা পীদূনা পূক্নীং থৌগত্তুনা লাকপগী শরূক অমা ওইনা ঙরাং থৌবাল দিষ্ট্রিক্টকি মনূঙচন্না লৈরিবা, হন্দক ফল লাউথোকখিবা ক্লাস টুয়েল্ব এগজামিনেসন্দা মার্ক ৱাংনা ফংলকখ্রবা মহৈরোয়শিংদা মনা পীদূনা পূক্নীং থৌগৎখ্রে।
থৌরম অদূ য়াইরিপোক্তা লৈবা একমি হায়র সেকেন্দরি স্কুলদা পাঙথোকখিবনি।সেকেন্দরি স্কুল অদূগী প্রিন্সিপাল য়ূম্নাম বিরেন্না ফঙ্কসন অদূগী অথোয়বা মীথূঙলেন ওইনা শরূক য়াখি অদুগা ইম্ফাল ইষ্ট জীলা পরিষদকি অধ্যক্সা ওইরম্লবা, য়ং ষ্টার দাইনামিক ইংলিস স্কুলগী ফাউন্দর কোন্থৌজম তোম্বিনা অখন্নবা মীথূঙ ওইনা শরূক য়াখি।
থৌরম অদূগী নুংগী ওইবা ৱারোল পীবদা প্রগজ্যোটিসপুর য়ুনিভর্সিটিগী মীহুৎ ওইখিবী প্রিয়াদর্সিনি লাইশ্রম্না হায়, কুমশিং ২০২২ দা য়ুনিভর্সিটি অসীনা অহানবা ওইনা হৌদোকখিবা মহৈরোয়শিংদা মনা পীদুনা পূক্নিং থৌগৎপগী থৌরম অসী মতূঙ তারকপা মতমসু লেপ্তনা অদূম্মক চত্থখিগনি। তুংগী মহৈরোয়শিংনা মখোয়গী পুন্সিদা ফংগে তাল্লিবা শিনফম অদূগী মতাঙদা তোঙান তোঙানবা কোর্স তম্ননবা য়ুনিভর্সিটি অসীদা মখল কয়াগী দিপার্টমেন্টশিং হাংদোক্লি হায়না ফোঙদোকখি। লায়রবা মহৈরোয় কয়াগী শেল-থুমগী ফীভম অদূ খঙনা হন্থরবা এদমিসন ফী লৌরদুনা মহৈরোয়শিংদা খুদোংচাবা পীরি হায়বা ৱাফম মহাক্না থমখি।
You may also like
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার
-
উমংলাই কন্সি, কাঙলোন চুম্না হরাওসি হায়বসিদা মীফম পাঙথোকখ্রে
-
রিম্স অসী এইম্সকী থাক্তা অপগ্ৰেদ তৌনবগী অয়াবা পীরক্লে: সর্দা