মেঘালয়াগী আই এ এস ওফিসারগী একাদেমিক বুকতা মালেমগী হেঙ্গৎলক্লিবা ইন্টরদিসসিপ্লিনারি নোলেজ ইকোনোমি দিমান্দগী মমি ময়েক শেংনা তাবা থেংনরে

“দি ইন্টর্নেস্নেল সক্সেস ওফ নেচর ওফ ইনফোর্মেসন: সেপিং রিয়েলিটি, লাইফ,এন্দ কন্সসনেস,” হায়না মিংথোনবা,  শিল্লোংগী আই এ এস ওফিসার অমদি মেদিকেল দোক্তর অমসু ওইরিবা দা. জোরাম বেদ না  একাদেমিককি হীরমদা ইবা লাইরিক অসীদা সাইন্স, ফিলোসোফি, অর্টিফিসিয়েল ইন্টেলিজেন্স অমদি কগ্নিসন ষ্টদিজগী হীরম কয়াদা মালেম পূম্বগী ওইনা লৈরিবা অখঙ-অহৈশিংগী মরক্তা অমনা অমগী মখা পোন্না থবক তৌমিন্নবগী তঙায়ফদবশিং অদূ ময়েক শেংনা ফোঙদোকপা থেংনরি। য়ু কেদা লৈবা টেইলর এন্দ ফ্রান্সিস গ্ৰূপনা পব্লিস তৌবা একাদেমিক ওইবা মখলগী লাইরিক অসীদা ইনফোর্মেসনবু রিয়েলিটিগী য়াম্না মরুওইবা ওর্গানাইজিং প্রিন্সিপল অমা ওইনা কূপ্না নৈনরি হায়রি।ফীজিক্স, বাইওলোজি,ন্যুরোসাইন্স, এ আই,ফিলোসোফি অমদি কন্সসনেস ষ্টদিজগী কন্সেপ পূম্নমক অমত্তা ওইনা ইন্টিগ্ৰেট তৌরদুনা লাইরিক অসীদা নৈনরি অদূগা পব্লিকেসন অসীদা ক্রোস-দিসসিপ্লিনারি রিছার্স অমসুং দিজিটেল লার্নিং প্লেটফোর্মশিংনা ইথিল পীরিবা, থুনা-য়াঙনসু হেঙ্গৎলক্লিবা গ্লোবেল নোলেজ ইকোনোমিগী মশক মতৌশিং ময়েক শেংনা মীয়ামদা ফোঙদোকই।

অঙনবগী লৈরিবা মার্কেট ইন্দিকেটরশিংনা  কঞ্জুমর অমসুং একাদেমিককি অকনবা এঙ্গেজমেন্ত অমা লাইরিক অসীনা লোয়নদুনা চৎলি হায়বা অদূসু ময়েক শেংনা ঊৎলি। টাইটল অসীনা হন্দক অমাজোন ইন্দিয়াগী  “হোৎ ন্যু রিলিজেস,” গী লিষ্ট তা অহানবা পোজিসন ফংবা ঙমখ্রে। মেটাফিজিক্স কি কাঙলূপ্তা অহানবা পোজিসন অসী ফংখিবনি অদূগা প্লেটফোর্ম অসীগী টোপ-১০ মেটাফিজিক্স বেষ্টসেল্লর্স তসু রেঙ্ক চনবা ঙমখ্রে হায়রি।মহৌশাদগী লৈজরক্লবা হায়বদি কনভেন্সনেল ওইবা একাদেমিক ৱার্ক শিংদগী থোইদোক -হেন্দোক্না অনৌবা, তোমথিন ওইনা লৌশিং পীবনা মরম ওইরগা লাইরিক অসীবু মীয়াম্না দিমান্দ য়াম্না তৌনরক্লি। লাইরিক অসী রেক্যুটেন কোবোগী ইন্টর্নেস্নেল ই-বূক মার্কেটপ্লেসতসু মীয়াম্না থেংনরি।পেরু,কলম্বিয়া,সাইপ্রস,ইষ্টোনিয়া, আর্জেন্টিনা,চিলি, দি জেক রিপব্লিক, দেনমার্ক অমসুং ফিলিপিন্স নচিংবদসু কেটাগোরি রেঙ্কিং চনবগী রেকোর্দ থম্বা ঙমখ্রে। একাদেমিক ওইরবা পব্লিকেসন অসী য়ুনাইটেদ ষ্টেট্স তা লৈবা মিয়ামি য়ুনিভর্সিটি, সুনি রানওন্টা অমসুং এমহরষ্ট য়ুনিভর্সিটি য়াওনা অমাজোন, গুগ্গল বূক্স, ভাইটেলসোর্স অমদি তোঙান তোঙানবা য়ুনিভর্সিটি বূকষ্টোর চেন্নেলশিংগী খূত্থাংদা ফংহল্লে।

দা.জোরাম বেদ অসী ২০০৮-বেচকি আই এ এস ওফিসিরনি অদুগা জিটমর গী এলুম্নস অমসু ওইরিবনি। মহাক হৌজিক মেঘালায়া লৈঙাক্কি কম্মিস্নার সেক্রেটরি,হেল্থ ওইনা মীয়ামগী থৌগল তৌরিবনি। মহাক্না শিল্লোং মেদিকেল অসী লিংখৎখিবা মতমদা মরূওইবা থৌদাংশিংসু লৌখি হায়রি।