মমাঙগী চহী ২০২৫ দা মনিপুরগী ওইনা পুৱারিদা দেঙ্গি লায়না পোজিটিব ওইবগী মশীং খ্বাইদগী য়ামখিবা চহী ওইদুনা মীয়াম্না অশুক্কি মতীক মিপাইবা পোক্নখ্রবগী মতূঙ অকিবা খরা হন্থনরক্লবা মতমসিদা খঙহৌদনা ষ্টেট অসিদা হৌখিবা পূং ২৪ গী মনূঙদা মীওই ৪ পোজিটিব ওইবা থেংনখ্রে।
মীওই ৪ অসীগী মনুঙদা অহুম্না ইম্ফাল ইষ্ট তগীনি অদুগা মীওই অমনা ইম্ফাল ৱেষ্ট তগীনি হায়রি। ষ্টেট লৈঙাক্কি হেল্থ সার্বিসেস দিপার্টমেন্ট কি রিপোর্ট মতূঙ ইন্না, চৎলিবা চহী অসীগী ওইনা মীওই ৪ অসী থারগা পূন্না মীওই ২৯ দেঙ্গী পোজিটিব ওইবা থেংনরে হায়রি।
মমাঙগী চহী ২০২৫ দা মনিপুরদা মীওই ৫,৫০০ হেন্না দেঙ্গী পোজিটিব ওইবা থেংনখিবগী মনূঙদা মীওই অমা লৈখিদবনি।হন্দককি চহী ২০২৬ তা, হৌজিক ফাওবদা মীওই ২৯ পোজিটিভ ওইরকখিবা অদুগী মনূঙদা ইম্ফাল ইষ্ট তগী মীওই ১৪ নি। ইম্ফাল ৱেষ্ট তগী ৭, বিষ্ণুপুর দিষ্ট্রিক্ট তগী মীওই ৪, কাংপোকপিদা ২, ঊখ্রূল অমসুং ককচীংদা ১/১ নি।
চুরাচান্দপুর, ফের্জোল, থৌবাল, কামজোং, সেনাপটি, তমেঙলোং,চান্দেল, জিরিবাম, নোনে, অমসুং তেংনৌপল – হায়রিবা দিষ্ট্রিক্ট ১০ অসীগী ওইনদি হৌজিক ফাওবা পোজিটিভ কেস অমত্তা থেংনদ্রি হায়না রিপোর্ট অদূদা ঊৎলি।
You may also like
-
মালেমগী বাইওদাইভর্সিটি নুমিৎকা মরী লৈননা লাইয়েকপা চাংম্নখ্রে
-
ৱান ষ্টোপ সেন্টরশিংদা থবক তৌরিবশিংগী ট্রেনিং পাঙথোকখ্রে
-
য়েন্নীং গ্ৰূপ কুম্বিনা অৱাবা মায়োক্নরবশিংদা মতেঙ পাংখ্রে
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে