চহী খূদীঙগী মে থাগী চৈচৎ ২২ অসী ইন্টর্নেস্নেল ডে ওফ বাইওদাইভর্সিটি হায়না মালেম পূম্বদা বাইওদাইভর্সিতী ঙাক-শেন্দুনা কন্ননবা অমসুং য়োকখৎনবা থৌরম পাঙথোক্নরগা লাক্লিবনি। হন্দক চহীগী থিম্না “এক্টিং লোকেল্লি ফোর গ্লোবেল ইম্পেক্ট” হায়বসিনি।পালন থৌরম অসীগা মরী লৈননা মহৈরোয়শিংগী ওইবা, বাইওদাইভর্সিতীগী হীরমদা খূদক্তা লাইয়েকপা চাংদম্নবগী থৌরম অমা ঙরাং চান্দেল ডিষ্ট্রিক্টকি জাফৌ কৈথেল মনাক্তা লৈরিবা মহা য়ুনিয়ন হায়র সেকেন্দরি স্কুল কেম্পসতা পাঙথোকখ্রে।
দিভিজনেল ফোরেষ্ট ওফিস চান্দেলনা শীন্দুনা পাঙথোকখিবা মহৈরোয়শিংগী লাইয়েকপা চাংদম্নবগী থৌরম অদূদা ৱা ঙাঙবদা দি এফ ও চান্দেলগী থৌ পুরিবা দা.এন মুনাল মৈতৈনা হায়, নৌরিবা মহৈরোয়শিংগী পূক্নিং ৱাখলদা মহৌশাগী অকোয়বগী শক্তম ঙাক্তুনা থম্বগী হৈনবী শেমগৎনবা, চীঙ, পাৎ, তুরেল,পাম্বী অমদি লম্লক্কি জিবশিং য়োকখৎপগী কান্নবশিংদু খঙহন্ননবা পান্দমদা থৌরমদু শীনবনি।চাংদম্নবা অদূদা মকোক-মথং তারক্লবা মহৈরোয়শিংনা ষ্টেটকি থাক্তা পাঙথোক্কদবা পেন্টিং কম্পিটিসনদা শরূক য়ারুগদবনি হায়খি ।
দিষ্ট্রিক্টকি থাক্তা পাঙথোক্লিবা চাংদম্নবা অদূদা মকোক মথঙ তারবশিং অদূদা সার্টিফিকেটকা লোয়ননা মথঙশীৎনা লূপা ২০০০, ১৫০০ অমসুং লূপা ১০০০ পীদুনা পূক্নীং থৌগৎকনি হায়না দি এফ ও অদূনা ফোঙদোকখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে