মমাঙগী চহী ২০২৫ দা মনিপুরগী ওইনা পুৱারিদা দেঙ্গি লায়না পোজিটিব ওইবগী মশীং খ্বাইদগী য়ামখিবা চহী ওইদুনা মীয়াম্না অশুক্কি মতীক মিপাইবা পোক্নখ্রবগী মতূঙ অকিবা খরা হন্থনরক্লবা মতমসিদা খঙহৌদনা ষ্টেট অসিদা হৌখিবা পূং ২৪ গী মনূঙদা মীওই ৪ পোজিটিব ওইবা থেংনখ্রে।
মীওই ৪ অসীগী মনুঙদা অহুম্না ইম্ফাল ইষ্ট তগীনি অদুগা মীওই অমনা ইম্ফাল ৱেষ্ট তগীনি হায়রি। ষ্টেট লৈঙাক্কি হেল্থ সার্বিসেস দিপার্টমেন্ট কি রিপোর্ট মতূঙ ইন্না, চৎলিবা চহী অসীগী ওইনা মীওই ৪ অসী থারগা পূন্না মীওই ২৯ দেঙ্গী পোজিটিব ওইবা থেংনরে হায়রি।
মমাঙগী চহী ২০২৫ দা মনিপুরদা মীওই ৫,৫০০ হেন্না দেঙ্গী পোজিটিব ওইবা থেংনখিবগী মনূঙদা মীওই অমা লৈখিদবনি।হন্দককি চহী ২০২৬ তা, হৌজিক ফাওবদা মীওই ২৯ পোজিটিভ ওইরকখিবা অদুগী মনূঙদা ইম্ফাল ইষ্ট তগী মীওই ১৪ নি। ইম্ফাল ৱেষ্ট তগী ৭, বিষ্ণুপুর দিষ্ট্রিক্ট তগী মীওই ৪, কাংপোকপিদা ২, ঊখ্রূল অমসুং ককচীংদা ১/১ নি।
চুরাচান্দপুর, ফের্জোল, থৌবাল, কামজোং, সেনাপটি, তমেঙলোং,চান্দেল, জিরিবাম, নোনে, অমসুং তেংনৌপল – হায়রিবা দিষ্ট্রিক্ট ১০ অসীগী ওইনদি হৌজিক ফাওবা পোজিটিভ কেস অমত্তা থেংনদ্রি হায়না রিপোর্ট অদূদা ঊৎলি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি