থবক কন্না শুদুনা, ঐখোয় মশেল মতেঙ পাংনদুনা পূন্না হিংমিন্নসি : তোম্বা

মনিপুরদা লৈরিবা প্রজাশিং ঙসীদি অৱাবা, খুংদোংচাদবা কয়ানা পীক থন্না মায়োক্নরে। লৈঙাক্কি মপী-মপা ওইরিবশিং অসীনা হৌজিক করি করম্বা মীয়ামগী য়াইফা থৌরাং পায়খৎলিবগে হায়বদূ ভাব তাদ্রে। লম্বী-থোংগী ফীভমশিং অসূক্কি মতীক মওং তাদ্রি।মী অমনা ঙাঙবা ৱা অতোপ্পা অমনা তানদ্রে।মশা-মশানা অপাম অপাম্বা তৌনদুনা লৈরি।নিষাগী কারবার তৌরিবশিং ঙসীসু মপূঙ ফানা লাকশীনবা ঙমদ্রি।নিষা কারবার তোকপিয়ু, নিষা চাবসু লেপ্পীয়ু, ঐখোয়না, মী অমনা ঙাঙবা ৱাফমদু অতোপ্পা অমনা তাবগী হৈনবি শেমগৎসি, পূন্না চাওখৎমিন্ননবা হোৎনসি, মতেঙ পাংনরগা শান্তি ওইনা লৈমিন্নসি হায়না সোসিয়েল ৱার্কর অমসুং ফাউন্দেসন ফোর রূরেল অর্বান দেভলপমেন্টগী প্রসিদেন্ট এল তোম্বনা ফোঙদোকখ্রে।
হৌখিবা কোবিদ-১৯ গী লায়না-লাইচৎকি মতমদুদগী ঙসী ফাওবা মখল কয়াগী হীঙশাগী চৈথেঙ মায়োক্নদুনা লমদমসিদা তঙদূ-লৈতাদবা ফীভম মায়োক্নরি।লোনগী শেন্থঙ অমত্তা লৈঙাক অসীনা মীয়ামদা পীথরকপসু লৈত্রি।সনা লৈবাক মনিপুর ঈরমদম অসী য়েংহৈদ্রবা লমদম অমা ওইরি। য়োংগী সনা লৈবাক হায়বদু ওইরে।মচা ময়াম পোকথোক্লগা ৱারক-ৱাতেম্বা ঙমদনা মাগী মাগী অনীঙবগী মতূঙ ইন্না চৎনখিবগী মতৌ অদূগা পাঙ্খক ওইরে হায়না সোসিয়েল ৱার্কর অসীনা ফোঙদোরক্লি।
ঐখোয় থবক শু-নোম্বা কনশি, চপ মান্ননা চাওখৎমিন্ননবা হোৎনরসি। পুলিসকি ঈচীল ঈনাওশিংনা মীয়ামদা ওন্সীন্দুনা টিয়র গ্যাস কাপশীনবগী ৱাখল থাদোকপিয়ু অদূগা মীয়াম্নসু এজিটেসন চত্থরকপা মতমদা মী শোকপা য়াবা পোৎলমশিং শীজীন্নবিগনু হায়বা ৱাফমশিং মহাক্না থমখি।