কুমশিং ২০২০ দা ইন্দিয়া লৈঙাক্কি জল জিবন মিসনগী অহানবা তাঙ্কক্কি মনূঙচন্না লিংখৎখিবা, হাওরৈবী মখা লৈকায় ৱাটর সপ্লাই স্কিম অসী ঙসীফাওবা মপূঙ ফানা লোইশিনবিদবা মরম্না হাওরৈবীগী য়ূমথোঙ অয়াম্বা, থক্নবা অফবা ঈশীং ফংহন্দনা লৈরে।ৱাটর সপ্লাই স্কিম অসীগী ওভরহেদ টেঙ্ক অসী য়ারিবমখৈ লৈঙাক অসীনা অথূবা মতমদা লোইশিনবিদুনা হাওরৈবী মীয়ামগী অৱাবা, খুদোংচাদবশিং অসী কোকহনবিয়ু হায়না অহল্লোন অঙাঙলোন য়ুনাইটেদ (এ এ য়ু), হাওরৈবী মখা লৈকায়না ফোঙদোরক্লি।
লূপ অসীগী প্রসিদেন্ট মোহম্মদ ৱাহিদুর রাহমান্না ঙরাং পাউমীশিংদা হায়, ৱাটর সপ্লাই স্কিম অসীগী ওভরহেদ টেঙ্ক অসী য়ারিবমখৈ অথুবা মতমদা লোইশিনবিয়ু হায়দুনা লৈঙাক্কি পি ঐচ ই দি লোয়শঙগী মকোকথোংবশিংদা কয়ারক চত্তুনা হায়জরুরে অদুবু মরী লৈনবা কন্ট্রেক্টরগা উনৌ হায়রকপদগী কন্ট্রেক্টরগা উনরুবা মতমদা লৈঙাক্তা তকশীনবিয়ু হায়না অমুক হায়রকখি।
মতৌ অসূম্না মখোয়না অওক -অথোম শান্নদুনা লৈবদগী মফম অসীগী মীয়ামগী পূক্নীং -ৱাখলদা পেন্দবা অমসুং খোয়রাঙ-খোয়শাওনবা পোকহল্লে হায়খি। মরম অসীনা মনিপুর লৈঙাক্কি মরী লৈনবা ওফিসিয়েলশিংনা স্কিম অসী লোইশিনবিদুনা মীয়ামগী অৱাবা কোকহনবিয়ু হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি