কুকি নার্কো -টেরোরিষ্টশিংনা মনিপুর মচেৎ তানা থুগাইরগা মখোয়গী তোঙানবা হোমলেন্দ অমা শেম্ননবা হোৎনরক্তুনা য়েলহৌমী মৈতৈ ফূরূপকি মথক্তা লান্দারকপদা লমদমসিদা নূপী-অঙাঙ য়াওনা মীশী-মীনা কয়ামরুম থোকহল্লিবা অসীগী মতাঙদা লৈঙাক্কি মফমদা ৱাহং তরূক্কি মেমোরেন্দম অমা পীশীনখিবা অদূগী পাউখুম ষ্টেট অসীগী হোম মিনিস্তর না তহা-তহানা পীরকখিবা অদূ কোকোমিনা লূম্না লৌদে, অপেনবা ওইদে হায়না কোকোমিগী কনভিনর ৱাই কে ধিরেন্না পাউমীশিংগা উনবদা ফোঙদোকখ্রে।
লম্ফেলদা লৈবা লূপ অসীগী ওফিসতা পাঙথোকখিবা পাউগী মীফমদা মহাক্না ৱাফম অসী ফোঙদোক্লদুনা হায়, লৈঙাক্না পীরকখিবা পাউখুম অদূগা মরী লৈননা মীয়ামগী করি অনীঙবা অপাম্বা লৈবগে হায়বদু মে অহূমগী মীফমদা খন্নরগনি। লৈঙাক অসিনা কোকোমিগা ৱারী শান্ননবা বার্টোন পীরকখিবা অদূসু মীয়ামগী মীফমদুদা পুথোক্লবা মতূঙদা মীয়ামগী ৱারেপ মতূঙ ইন্না লৈঙাক্কা ৱারী শানবা নত্রগা শানদবগী ফিরেপ লৌগনি হায়খি।
মীফম অসীদা অখঙ-অহৈ কয়াসু শরূক য়াদুনা ৱা ঙাঙগনি।মীয়ামগী ৱারেপ মখাদা কোকোমিনা মতূঙতাবা খোঙজঙ চঙশীনগনি হায়নসু ধীরেন্না পাউমীশিংদা ফোঙদোকখি।
You may also like
-
এ আরগী কলম ৯ ঈরাঙ মায়োক্নরিবা ঊখ্রূলদা থাজিনখ্রে; হোম সেক্রেটরিনা সেক্যুরিটি রিভ্যু তৌখ্রে
-
মৌলানা অব্দুল হাফিজ নদৱি লৈখিদবদা আই দি সি, মনিপুরনা অৱাবা ফোঙদোরক্লি
-
ব্রিটিসনা কংলা খূদূম চনখিববু ঈপসা না অমম্বা নুমিৎ হায়না পালন থৌরম পাঙথোকখ্রে
-
চিফ মিনিষ্টরগী ৱাফম অরানবনি, সেন্সস তৌদ্রিঙৈদা এন আর সি হান্না পায়খৎকদবনি: জে এফ দি
-
ঊরীপোক্কি লূপশিংনা মীয়ামদা আপিল তৌরক্লি