মনিপুর সিভিল সার্বিস কম্বাইন্দ কম্পিটিটিব ইগজামিনেসন-২০২২ দা ২৭ শুবা রেঙ্ক তাদুনা মায় পাক্লকখ্রবী, মৈত্রমদগী নিঙোম্বম অথোয়বীবু তরাম্না ওক্তুনা অচম্বা খূদোলপোৎ পীদুনা পূক্নিং থৌগৎখ্রে। মহাক মৈত্রম অৱাং লৈকায়দগীনি। ঙরাং মৈত্রম অৱাং লৈকায়গী মৈরা পায়বী লূপ অমসুং বেনিফিসিয়ল ক্লব মৈত্রমগী মেম্বরশিংনা মশামক্কি য়ূমদা চত্তুনা তরাম্না ওকখি, লোয়ননা অচম্বা খূদোলপোৎশিং পীদুনা পূক্নিং থৌগৎখি।
মীয়াম্না মহাকপু পূক্নিং থৌগৎপীখিবা, নুংশিবিদুনা অচম্বা খূদোল তম্বিবা অদূ অপেনবা ফাওই অদুগা মহাক্কি মতূঙ তারকপা পুন্সিদসু তৌজরুবা থবক-থৌরম পূম্নমক্তা মায় পাকপা ওইজগে হায়না মৈরা লূপকি ঈমাশিংদগী আশীর্বাদ নিজখি।
মহাক্না মীয়ামগীদমক য়াইফনবা থবক তৌজগনি, অচান-মীরায় নাইদনা সেবা তৌজগনি হায়বা ৱাফমশিং ফোঙদোকখি।