তেংনৌপল দিষ্ট্রিক্ট অসী য়েলহৌঙৈ মতমদগী ঙসী ফাওবা নাগাশিংনা খুন্দাদুনা লৈরক্লিবা, নাগাশিংগী এরিয়ানি হায়বসি, নৌনা চঙলক্লগা দিষ্ট্রিক্ট অসিদা খুন্দাশিনখিবা কুকিশিংনা খঙজীনগদবনি।মেজোরিটি ওইরিবা নাগাগী মীহূৎশিং অমত্তা খঙহল্লম্বা তৌদনা, দিষ্ট্রিক্ট অসিগী দিপ্যুটি কম্মিস্নারনা কুকিশিংখক্তমক কৌরগা, হৌখিবা চহী ২০২৫ গী জুলাই ২৯ দা তেংনৌপল দিষ্ট্রিক্ট হেদক্বার্টর শেমগৎনবগী ইনফ্রাষ্ট্রকচরগী মতাঙদা মীফম পাঙথোকখিবা অদূ চৎনবা য়ারোই হায়রি।
দিপ্যুটি কম্মিস্নার অসীনা কুকি ফূরূপখক্তগী মীচঙদা থবক তৌরিবসি লাইবক থীবনি।মহাকপু লৈঙাক্না ট্রান্সফর তৌগদবনি অদুগা তেংনৌপল দিষ্ট্রিক্ট হেদক্বার্টর অসী ইনফ্রাষ্ট্রকচর মরাঙ কায়না লৈরবা, ঈশীংগী খুদোংচাবসু লৈরবা খেংবুং ভিল্লেজদা ওইহনগদবনি।হায়রিবা অসীগী চপচাবা থাজবা অমা এপ্রিল ১৯ ফাওবদা খঙহন্দ্রবদি মথংগী নুমিৎ, এপ্রিল ২০ দগী ইম্ফাল -মোরে লম্বী মতম কক্তনা অথীংবা থম্লগনি হায়না তেংনৌপল দিষ্ট্রিক্ট কি নাগা ফূরূপ ৯ না পূল্লগা শেম্বা দিষ্ট্রিক্ট দেভেলপমেন্ত কোর্দিনেসন কম্মিটি ( দিদিসি) না ফোঙদোকখিবনি।
কুকিগী লূপনি হায়জবা অমনা চিফ মিনিষ্টর য়ূম্নাম খেমচান্দ বু তেংনৌপলদা লাকপা য়ারোই হায়না ফোঙদোক্লিবা ৱাফম অদুসু খূদক্তা হন্দোক্কদবনি, মদূ নত্রবদি দিষ্ট্রিক্ট অসীদা লৈরিবা নাগা ট্রাইবশিংনা তূমীন্না লৈথোক্লোই, মদূগী মায়োক্তা থেংনগনি হায়রক্লি।
দিদিসি দা য়াওরিবা নাগা ফূরূপ ৯ অদূদি আইমোল, মোয়োন, মোন্সাং, মরিং, তরাউ, চোলে, তাঙ্খুল, খোইবু অমদি লমকাংনি।
You may also like
-
ইন্দিয়ানা কুকিশিং শীজীন্নরগা নাগাগী মথক্তা প্রোক্সি ৱার চত্থরক্লে : থুইঙালেং মুইভা
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে
-
কাংপোকপিদগী লাঞ্জেন্নরকখিবা আই দি পিশিংগা চিফ মিনিষ্টরগা উনখ্রে
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম