মনিপুর ফায়র সার্বিস, হেদক্বার্টর ইম্ফালনা শীন্দুনা ফায়র সার্বিস ৱীক -২০২৬, এপ্রিল ১৫ দা হৌদোকখ্রে।
থৌরমদুদা অথোয়বা মীথূঙলেন ওইনা শরূক য়াখিবা ষ্টেট লৈঙাক্কি হোম মিনিষ্টর গোবিন্দাস কোন্থৌজম্না মনিপুর ফায়র সার্বিসকি পার্সনেলশিং অমদি অতৈ ওফিসিয়েলশিংনা মৈহৌ-লাংপোক, ঈশীঙ ঈচাওনচিংবা, মহৌশাগী অমদি খূৎশেমগী ওইবা খুদোংথীবা থৌদোকশিং থোক্লকপদা মীয়ামগী পুন্সি অমদি লন-থুম কন্ননবা লৌখৎলিবা থৌদাংশিং থাগৎপা ফোঙদোকখি। অসীগুম্বা খুদোংথীবশিংদগী ঙাকথোক্নবা মতম চানা মীয়ামদা এৱ্যের্নেস কয়া পাক-সন্না পীরিবা অসী শীঙথানিঙায়নি হায়না থাগৎখি।
থৌরম অদূগী মতাইদা পাউমীশিংনা হংলকখিবা ৱাহংগী পাউখুম পীবদা মিনিষ্টরনা হায়, ট্রোংলাউবী থৌদোক্কি মতাঙদা এন আই এনা লুচিংদুনা ইনভেষ্টিগেসন এজেন্সিশিংনা হৌজিক থিজিনবগী থবক য়াম্না কন্না চত্থরি।চৈরকশিদা মীয়াম্না পূক্নীঙ ফাথনা লৈবিয়ু। অচূম্বা, অশেঙবা খঙদোক্তুনা মরাল লৈবশিং চপচানা আইনগী ওইবা অকনবা চৈরাক পীননবা হোৎনরকপনিনা নোংমা -নীনীদা লোইশিনবা য়ারোই।মতম খরা চঙনা ইনভেষ্টিগেসন চত্থগদবা মরম্না মীয়াম্না মপূঙ ফানা মতেঙ পাংশিনবিয়ু হায়না থমখি।
চৈরকশিদা ঐখোয়না চরাঙ-খোইরাংনদুনা লৈরবদি ইনভেষ্টিগেসনগী থবক-থৌরমশিংদা অপনবা, অকায়বা থোকহল্লক্তুনা ওন্ন-তৈনবা মায়কৈরোমদা চৎখিরোই হায়নিঙায় লৈতে। মরম অদুনা মীয়াম্না পূক্নিং ফাথনা লৈবগী তঙায়ফদবা লৈরি হায়না মিনিষ্টরনা ফোঙদোকখি।
You may also like
-
খেবুংদা দিষ্ট্রিক্ট হেদক্বার্টর ওইহন্দ্রবদি এপ্রিল ২০ দগী ইম্ফাল -মোরে লম্বী থিংলগনি: দিদিসি
-
শক্নায়রবী অইবী দা.সিঐচ জামিনি দেবি লৈখিদ্রে
-
থীনূঙ্গৈদা ঈরাং লাকশীনবা ঙম্লে, মীয়াম্না লৌখিবা নোংমৈ ৮ সু রিকোভর তৌখ্রে: গোবিন্দাস
-
অঙাং মচীন-মৌপ্ৱা য়াওনা মীওই মঙা হাৎখিবগী ঈরাং কা হেন্না কনখৎলক্লি
-
কেসিপি গী ৪৬ শুবা মপোক কুমওন থৌরম পাঙথোকখ্রে