চৎলিবা এপ্রিল থা অসীগী তরেৎকি অহীঙ নোংয়াই মতূঙ পূঙ অমা মখায়রোম তারকপা মতমদা বিষ্ণুপুর দিষ্ট্রিক্টকি মনূঙচন্না লৈরিবা ট্রোংলাউবী অৱাং লৈকায়দা লৈবা ঈমূঙ অমদা কুকি মিলিটেন্টশিংনা বোম কাপশীন্দূনা নৌরিবা অঙাং অনী হাৎখিবা অমসুং মখোয়গী অপোকপী মমাবু তমথীনা শোকহনখিবা থৌদোক অদূবু য়ানিংদবা ফোঙদোক্তুনা মীয়াম্না অকনবা ঈরাং হৌরকপদগী মনিপুর তম্পাক্কি দিষ্ট্রিক্ট মঙাদা কর্ফিয়ু থমজিন্দুনা ঈরাং লাকশিন্ননবা কন্না হোৎনরিঙৈ চৈরকশিদা চিফ মিনিষ্টর য়ূম্নাম খেমচান্দনা পাউনা কৈথেলদা কোয়না চত্তুনা, মফম অদূদা শেমগৎ শাগৎলিবা লম্বীশিং অদূ য়েংশিনখ্রে।
লম্বী শেম্বগী থবক পায়খৎলিবা ওফিসিয়েলশিং অদূদা, করম্বা মতমদা লম্বী শেম্বগী থবক অদূ লোইগদৌরিবগে হায়না চিফ মিনিষ্টরনা হংখিবদা, য়াম্না অথূবা মতমদা লোইশিন্ননবা হোৎনরি হায়না পাউখুম পীরকখি। চপ চাবা মতম অমা পীয়ূ হায়না চিফ মিনিষ্টরনা খঙহল্লবসু মতমদি মখোয়না পীবা ঙমখিদে। মীয়াম্না চৎনরিবা লম্বী ওইবনিনা মতম শাংনা লৌগনু, খরা থুনা লোইশিন্ননবা থবক পায়খৎলূ হায়বা ৱাফম সি এম্না থমখি।
ইম্ফালগী বির টিকেন্দ্রজিৎ ইন্টর্নেস্নেল এয়রপোর্টতা শাগৎলিবা টর্মিনেল বিল্ডিংগী ফীভমসু সি এম্না এয়রপোর্ত অথোরিটি ওফ ইন্দিয়া(এএআই )গী মেনেজর (সিভিল ইঞ্জিনিয়র) দেবি প্রসাদ জি মোনগা লোয়ননা য়েংশিনখি।
হৌজিকফাওবদা চঙশীল্লক্লিবা শেমগৎ-শাগৎপগী থবকশিংগী মতাঙদা প্রসাদনা চিফ মিনিষ্টর দা পাউদমখি।
You may also like
-
পি এল এগী অথৌবা মাপন লৈখিদবা নুমিৎ ঈকায়খুম্নবা উত্তুনা অথৌবশিংগী নুমিৎ থৌরম পাঙথোকখ্রে
-
আর পি এফনা মীয়াম্বু থাগৎপা ফোঙদোরক্লি
-
তরেৎশুবা অন্দর সেভেন্টিন জুনিয়র বোইজ এন্দ গার্লস নেস্নেল বোক্সিংগী শান্নরোয়শিং তরাম্না ওকখ্রে
-
মীয়ামগী খোঙজঙশিং অকনবা মওংদা চত্থরি
-
ট্রোংলাউবি থৌদোক্তা চেন্নরিবা মীফত্তশিং অকনবা চৈরাক পীগদবনি