কুমশিং ১৯৮২ গী এপ্রিল ১৩ দা রিভোল্যুসন্নরি পিপল্স ফ্রন্ট ( আর পি এফ) কি লান্মী শঙলূপ পিপল্স লিবরেসন আর্মী (পি এল এ) গী লূচীঙপুরেল থৌদাম কুঞ্জবিহারি এলাইজ ওজা রঘূ য়াওনা লান্মী শঙলূপ অসীগী অথৌবা ৯( মাপন) ইন্দিয়ান সেক্যুরিটি ফোর্সকা মায়োক্নখিবা কোদোম্পোকপীগী লানফমদা থৌনা ফনা থৱায়না পোন্থা পীখিবা, এপ্রিল ১৩ গী কাউঙমদ্রবা নুমিৎ অদূবু নীঙশীংদুনা লমদম অসীগী তোঙান তোঙানবা ফূরূপকি ঈরৈচাশিংনা চহী খূদীংগী নুমিৎ অসীনা লাকপদা কোদোম্পোকপী, তেকচম অমসুং থাংমৈবন্দ চৈরাওচীঙদা হৈকৎ-লৈকৎ তমদুনা অথৌবশিং অদূবু ঈকায় খুম্নবা উত্তুনা লাক্লি।
মসীগী শরূক অমা ওইনা ঙরাংসু কোদোম্পোকপী, তেকচম অমদি ইম্ফাল ৱেষ্ট দিষ্ট্রিক্টকি থাংমৈবন্দ চৈরাও চীঙদা লৈবা অথৌবশিংগী খুভমদা মশীঙ য়াম্লবা লমদমশিগী তোঙান তোঙানবা ফূরূপশিংগী মীয়াম্না হৈকৎ-লৈকৎ তমদুনা ইকায়খুম্নবা ঊৎখি।চীঙমৈরোংগী চৈরাওচীঙদা লৈরিবা অথৌবশিংগী খুভম অসীদা মীয়াম্না চহী খূদীঙগী হৈকৎ-লৈকৎ তম্বদা চহী খরগী মমাঙদদি মনিপুর পুলিসনা অথীংবা থম্লম্বনি। কোর্টনা মদূ য়ারোই হায়না ওর্দর তাখিবা মতূঙদগী হৌখিবা চহী খরগী মতমদগী অথীংবা অমত্তা য়াওদনা মীয়াম্না অথৌবশিংগী খুভমদা চহী খূদীঙগী হৈকৎ-লৈকৎ তমদুনা লাক্লিবনি।
You may also like
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি
-
ইন্দিয়ানা কুকিশিং শীজীন্নরগা নাগাগী মথক্তা প্রোক্সি ৱার চত্থরক্লে : থুইঙালেং মুইভা
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে