ইম্ফাল ইষ্ট দিষ্ট্রিক্টকি মনূঙচন্না খূন্দ্রাকপম কেন্দ্রগী পুখাউ লাইফমদগী কোইলাস থাবা হৌরক্লিবা, কৈবি তরেৎখুল ফাওবা শেমলক্লদৌরিবা লম্বী অসী মীয়াম্না খৌরাংনা ঙাইনদুনা লাক্লবা লম্বী অমনি।লম্বী অসীগী ফীভম কা হেন্না ফত্তবদগী মীয়ামগী চত্থোক -চৎশীন তৌবদা খুদোংচাদবা কয়ামরুম মায়োক্নদুনা লাক্লিবনি।হন্দক পুখাউ -দোলাইথাবি -পূঙদোঙবম লম্বী অসী শেম্লকপদা হরাওবা পোকই।অদূম ওইনমক দোলাইথাবিদগী কোইলাস থাবা হৌরক্লিবা লম্বী অসী ৱার্ক ওর্দর পায়রমদবা থেংনরে।মসীগীসু মথক্তা ৱার্ক সেদ্যুল্ড অমত্তা য়াওদনা চত্থরক্লিবা লম্বী শেম্বগী থৌওং অসীদি মীয়াম্না য়ানিংদে হায়রি।
মরী লৈনবা এগজিক্যুটিব ইঞ্জিনিয়রদা হংনরুবা মতমদসু মহাক্কি নোলেজ অমত্তা লৈতে হায়রক্লে হায়না পিচ এন্দ দেভলপমেন্ট কো ওর্দিনেটিং কম্মিটি (পি দি সি সি) গী মায়কৈদগী ফোঙদোরক্লি। ৱার্ক সেদ্যুল্ড য়াওদনা লম্বী শেম্বা হায়বসি মীয়াম্না য়ানিংদে। মরম অদুনা ৱার্ক ওর্দর ফংলবা মতূঙদা লম্বী শেম্বিয়ু,হৌজিকমক্কি ওইনদি লম্বী শেম্বা অমদি কোইলাস থাবগী থবক অসী মতম খরা লেপ্পিখো হায়না পিদিসিসীগী ভাইস প্রেসিদেন্ট ওক্রম শরতচন্দ্রনা মরী লৈনবা কন্ট্রেক্টরশিংদা খঙহল্লক্লি।
You may also like
-
মালেমগী মীওই মিল্লিয়ন ৫০০ হেনবনা ট্রুকোল্লর শীজীন্নরি
-
সেন্সসকি মতাঙদা উনদুনা খন্নসি হায়বা সি এস ওশিংগী ৱাফম তরাম্না ওকই:খেমচান্দ
-
সেন্সসকি মতাঙ খন্ননবা পোলিটিকেল পার্টী পূম্বগী মীফম কৌবিয়ু:শান্ত
-
ককচীঙ সব-দিভিজনদা লৈরিবা রিলিফ কেম্প ১১ ঙসী ক্লোজ তৌরগনি
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে