আই সি আই সি আই প্রুদেন্সিয়েল লাইফ ইন্সুরেন্স কম্পেনি লিমিতেদনা মসীগী য়ুনিট লিঙ্ক ইন্সুরেন্স প্লান্টস ( য়ুলিপ্স) কি মখাদা আই সি আই সি আই প্রুদেন্সিয়েল লাইফ স্মোলকেপ ২৫০ ইন্দেক্স ফন্দ লোঞ্চ তৌখিবগা লোয়ননা মসীনা কষ্টমরশিংনা মশক নাইরবা কম্পেনিশিংগী ব্রোদ বাস্কেটতা ঈরায় লায়না লন-থুম তূঙশীনবা ঙমহল্লগনি হায়রি।
মসীনা মরম ওইদুনা দিসসিপ্লিন নাইবা, ইন্দেক্সতা য়ূম্ফম ওইবা এপ্রোচতা তুং কোইবা মওংদা লন-থুম তূংশীনবা ঙমহল্লগনি হায়রি।স্মোলকেপ ২৫০ ইন্দেক্স অসী ২৫১ শুবা রেঙ্কতা চল্লবা কম্পেনিশিংদগী রেঙ্ক ৫০০ ফাওবদা লৈবা মশক নাইরবা কম্পেনি ২৫০ দা কষ্টমরশিংনা মতূঙ তাবা অশাংবা মতমগী ওইনা লন-থুম তূঙশীন্ননবগী অচৌবা খুদোংচাবা,কান্নবা ফংহনবগী খোঙথাঙ অদূনি।মসী নীফটি ৫০০ য়ুনিভর্সকি মনূঙচনবা কম্পেনিশিং অদূগী ৱাফম্নি।
মতম মতমগী ওইনা লাইন্দা লৈরিবা ষ্টোককি ফীভমশিংগী মতূঙ ইন্না অহোংবা নাইরকপগা লোয়ননা অথিংবসু খরা খরা, রিগুলেসনগী মতূঙ ইন্না মায়োক্নরকপা য়াই হায়রি।
মতম মতমদূগী ভেল্যু অমসুং ৱেথকি মতূঙ ইন্না লেপকদবনি। লোঞ্চিং প্রোগ্ৰাম অদূদা ৱা ঙাঙবদা আই সি আই সি আই প্রুদেন্সিয়েল লাইফ ইন্সুরেন্স কম্পেনি লিমিতেদকি চিফ ইনভেষ্টমেন্ট ওফিসার মানিস কুমারনা হায়,স্মোলকেপ ২৫০ ইন্দেক্স ফন্দ না কষ্টমরশিংদা অচম্বা, নুং-পান ফাওনা উবা ঙম্বা গ্ৰোথ পোটেন্সিয়েলগী পাম্বৈ অমা পীবা ঙম্লগনি। মশক নাইরবা কম্পেনিশিংদা শেল থমজিন্দুনা কান্নবা কয়ামরুম লৌহৌনবগী অফবা তাঞ্জা অমা ওইরি হায়খি।
You may also like
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে
-
চিফ মিনিষ্টর য়ূম্নাম খেমচান্দ ঙরাং গুৱাহাটি দা থুংখ্রে, দিপ্যুটি সি এম অনীসু লোয়নরি
-
ৱাটর সপ্লাই স্কিম অথূবদা লোইশিন্দুনা মীয়ামদা থক্নবা ঈশীং ফংহন্দ্রবদি অকনবা খোঙজঙ চঙশীল্লগনি: এএয়ু
-
থবক কন্না শুদুনা, ঐখোয় মশেল মতেঙ পাংনদুনা পূন্না হিংমিন্নসি : তোম্বা