কিদনি ফেল ওইদুনা লৈরিবা কুম্বিদগী মাইবম মনি গী লায়েংবদা মতেঙ ওইননবা দাইমন্দ দোনর্সনা শেলগী তেঙবাং ওইনা লূপা ৭০,০০০ খূৎশীন্নখ্রে। দাইমন্দ টি ভি অমদি ৱাহোং রেদিও চাং নাইনা তারিবা লিষ্টনরশিংনা খূৎশম্নরগা শেম্বা দাইমন্দ দোনর্সনা খুদোংচাদ্রবা মেম্বরশিং অমদি অতৈ মীওইশিংদা তেঙবাংদুনা লাক্লিবা অদূগী শরূক অমা ওইনা মনিদা শেনফম অদূ খূৎশীন্নখিবনি হায়রি।
তেঙবাং পীবগী থৌরমদুদা শরুক য়াখিবা দাইমন্দ টি ভি অমসুং ৱাহোঙ রেদিওগী মেনেজিং দিরেক্টর জেম্স হৈক্রুজম্না হায়, মনিগী লোয়নবী মাইবম ওঙবী বিলা অসী মতম কয়াগী মমাঙদগী ৱাহোঙ রেদিও অমসুং দাইমন্দ টিভিদা চাং নাইনা কোল তৌরক্তুনা ঈশৈ খনবা অমদি ঈশৈ শকপগী থৌরমশিংদা য়াওদুনা লাক্লি।মহাক্কা শক উনদুনা খঙনবা অমা ওইদ্রবসু মিং,খোঞ্জেলদা ঙসীদগী চহী অহুমগী মতমদগী খঙনদুনা লাক্লি।
হন্দক পূক্নীংগী ৱারোল থৌরমদা কোল তৌরক্তুনা মপূরোইবগী অনাবগী ফীভম ফোঙদোরক্তুনা মতেঙ পাংবিনবা খঙহল্লকপদগী লূপ অসিনা মনিগী মতেঙ পাংজবনি। লূপ অসিদা পদ্মশ্রি নামৈরাকপম কুঞ্জরানি,কম্মান্দেন্ট সি আর পি এফ; ৱাংখৈময়ূম নন্দিনি, সেকেন্দ-ইন -কম্মান্দ, সি আর পি এফ অমদি ঈমাশী সোরোজিনিনচিংবা মীওই কয়ানা মতেঙ পাংবিরকপদগী তেঙবাং অদূ পীবা ঙমজরিবনি হায়না মহাক্না মখা তানা ফোঙদোকখি।
You may also like
-
মহৈরোয় ৩৬,৭২৫ না শরূক য়াদুনা ক্লাস টেনগী ইগজাম হৌখ্রে
-
মনিপুরি ফীচর ফীল্ম বুং না বাফটা এৱার্দ ফংবা অহানবা ইন্দিয়ান ফীল্ম ওইরে
-
চিফ মিনিষ্টর খেমচান্দ ঙসী হল্লক্লগনি হায়না পানরি, ঙরাং য়ুনিয়ন ফাইনান্স মিনিষ্টরগা উনখ্রে
-
অনৌবা মনিপুর লৈঙাক্তা অৱাৎপা মিনিষ্টরশিং হাপচীন্দুনা চাউথোকহন্ননবা চিফ মিনিষ্টর দিল্লি পাংখ্রে
-
ঐচ এস এল সি ইগজাম ঙসীদগী হৌখ্রে, অরানবা তৌবশিং চহী তরাফাওবা জেলদা থম্বা য়াই : বোসেম