বিষ্ণুপুর দিষ্ট্রিক্টকি মোইরাং ক্বাক্তাদা লৈরিবা ক্বাক্তা সেরিকলচর প্রি-ফেব্রিকেটেদ হাওস রিলিফ কেম্পতা চঙজফম লৌদুনা লৈরক্লিবা ইন্টর্নেল্লি দিসপ্লেস পার্সন ( আই দি পি) শিংনা পোৎ-চৈ য়োঞ্জদুনা মখোয়গী নোংমগী ইনকম তাঞ্জবা ঙম্নবগী পান্দমদা থা অসীগী ২২ দা আই দি পি শিংগী কৈথেল অমা বিষ্ণুপুর দিষ্ট্রিক্টকি দিপ্যুটি কম্মিস্নার পুজা এলাংবম্না রিবোন কক্তুনা হাংদোকখ্রে।
রিলিফ কেম্প অদূদা হাংদোকখিবা অনৌবা অমসুং মনিপুরগী ওইনা ইহান হানবা আই দি পিশিংনা চল্লাইজবা কৈথেল অসী মফমদুদা লৈরিবা, লাঞ্জেন্নরক্লিবা ঈমূঙ-মনূঙশিং অদুগী শেন্থোক চাং নাইনা লাকহন্দুনা মখোয়গী লাইবলিহুদ অমদি ইকোনোমিগী ফীভম খরা হেন্না ফগৎহন্ননবা পান্দম মখাদনি হায়না বিষ্ণুপুর দিষ্ট্রিক্টকি দিপ্যুটি কম্মিস্নার পুজা এলাংবম্না থৌরমদুদা ফোঙদোকখি। আই দি পিশিংনা লৈঙাক্কি তোঙান তোঙানবা ৱেলফ্যের স্কিমশিংগী কান্নবশিংদু মফম-মতম চানা লৌহৌদুনা খুদোংচাবা ফংনবা হোৎনগদবনি।
লৈঙাক্না মতম -মতমগী ওইনা হোস্পিটালিটি অমসুং অতৈ সেক্তরশিংদা ঐখোয়গী নহারোলশিং থবক তৌহন্দুনা শেন্থোক মতীকচানা লৈহন্নবা, মতীক চাবা মীওই অমমম ওইহন্নবা পান্দমদা ট্রেনিং প্রোগ্ৰামশিং পাঙথোক্লি। মশাগী চহী ১৮ দগী ৩০ ফাওবগী মনূঙদা লৈরিবা নহারোলশিংনা ট্রেনিং প্রোগ্ৰামশিং অসীদা য়াওশীন্দুনা সেক্তরশিং অসীদা থবক ফংননবা হোৎনগদবনি হায়না দি সিনা ফোঙদোকখি। বিষ্ণুপুর দিষ্ট্রিক্টকি এ দি সি তোইজম ওপেন্দ্রো অমসুং চুরাচান্দপুর মৈতৈ য়ুনাইটেদ কম্মিটিগী মেম্বরশিংসু থৌরমদুদা শরুক য়াখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে