ত্রিপুরাগী কেপিটেল সিটি ওইরিবা আগরটালাদা চৎলিবা থা অসীগী ২০ দগী হৌদোকখিবা ইবূধৌ পুথিবা হরাওবা থৌরমগী ঙরাং নীনী চনবা নুমিত্তা খূরায় কেন্দ্রগী এম এল এ লৈশাংথেম সুসিন্দ্রো শরূক য়াখ্রে। চহী খূদীঙগী পাঙথোক্তুনা লাক্লিবা লাই হরাওবা থৌরম অদূগী ওইনা হন্দক্কি পাঙথোক্লিবা অসীনা ১৬ শুবা এদিসন্নি হায়রি। লাই হরাওবা থৌরম অদূনা ত্রিপুরাদা লৈরিবা মৈতৈ ফূরূপ্না মশাগী শক্তম,লোল, চৎনবী,কলচর পূম্নমক ঙাক্না হিংনবা হোৎনবদা অচৌবা পাম্বৈ অমা ওইরগনি হায়বা ৱাফম এম এল এ সুসিন্দ্রোনা ফোঙদোকখি।
উমংলাই কনবা লূপ (উকল) মনিপুরনা মরুওইবা থৌদাং লৌদুনা পাঙথোকপা লাই হরাওবা থৌরম অদূদা আসাম, মনিপুর,বাংলাদেসনচিংবদগী মনিপুরিশিং লাক্তুনা শরুক য়াররিবা মরম্না ত্রিপুরাগী লাই হরাওবা থৌরম অসী চোইনা, তোঙান তোঙানবা মফমশিংদা খুন্দাদুনা লৈরিবা মনিপুরি দাইসপোরাশিংগী অপূনবা শক্তম শাগৎফম, উনফম প্লেটফোর্ম অমসু ওইরি হায়না এম এল এ লৈশাংথেম সুসিন্দ্রোনা অপেনবা অমসুং নুংঙাইবা ফোঙদোকখি।
ত্রিপুরাদা লৈরিবা মৈতৈ ফূরুপকিদমক হীরম কয়াদা চাওখৎহন্ননবা মহাক্না অচৌবা থৌদাং কয়া লৌদুনা লাকখি।মনিপুর লৈঙাক্নসু হীরমসিদা অকনবা মীৎয়েং চঙদূনা থবক পায়খৎলি।মতূঙ তারকপা মতমদসু লেপ্পা লৈতনা মতেঙ পাংখিগনি হায়না সুসিন্দ্রোনা ফোঙদোক্লমখি। মনিপুরদগী অমাইবা,অমাইবি কয়াসু য়াওনা শরূক য়ারিবা লাই হরাওবা থৌরম অদূ মহৌশাদগী চৎনরকপা থৌরমগী চৎনবী পরীঙ কায়হন্দনা পাঙথোক্লিব্রা হায়বদূ উকলনা হৌজিক চেকশীন্না য়েংশিল্লি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি