ইম্ফাল ইষ্ট দিষ্ট্রিক্টকি পাঙ্গৈদা লৈবা ৬শুবা ইন্দিয়া রিজার্ব বট্টালিয়ন (আই আর বি) গী কম্মান্দেন্ট ওইনা থৌ পুরিবা দা. শরাংথেম ইবোমচা,আই পি এসনা মশাগী মথৌ মতম চুপ্পদা নীঙথীনা পাঙথোক্তুনা লাকপগীদমক ঈকায়খুম্নবা উৎতুনা চিফ ওফ আর্মী ষ্টাফ কম্মেন্দেসন,২০২৬ পীরকখ্রে।
ঙরাং, চৎলিবা জনুৱারী থা অসীগী ১৫ দা পাঙথোকখিবা আর্মী দে থৌরমদা কম্মেন্দেসন অসী ইবোমচাদা পীরে হায়না লাউথোকখিবনি। মহাক স্পিসিয়েল কম্মান্দো য়ূনিটকিসু এস পি ওইনা থৌ পুরিবনি। কম্মেন্দেসন অসীগীদমক ইবোমচাগী মমীঙ য়াওরিবা লিষ্টকি সেরিয়ল নম্বরনা ৬৯৬ নি।