বাজাজ জেনরেল ইন্সুরেন্সনা মীরোল্লিবা অঙাঙশিংগী য়াইফা-থৌরাং ওইরিবা”ফেটল ফ্লোরিস” হৌদোকখ্রে

মতম খরগী মমাংদা বাজাজ এল্লাইঞ্জ জেনরেল ইন্সুরেন্স কম্পেনি লিমিতেদ হায়রগা মীয়াম্না খঙনরম্বা, হৌজিক্না বাজাজ জেনরেল ইন্সুরেন্স লিমিটেদ হায়না খঙনরবা  ইন্দিয়াগী মরূওইবা প্রাইভেৎ জেনরেল ইন্সুরর অসীনা মমাশিংগী পিবূক্নূংদা মিতম্লক্লিবা অঙাঙশিংগী পুন্সি খ্বাইদগী ঙল্লিঙৈ মতমদগী কনবগা লোয়ননা অহেনবা চেকশীল-থৌরাংশিং ঈরায় -লায়না লৌখৎহৌদুনা অঙাঙ পোক্লবা মতূঙ ফাওবদা মখোয়গী মশা-মঊ ফনা, তীঞ্জঙ-কায়জঙহন্দনা লৈহন্ননবা “ফেটল ফ্লোরিস”, হায়না খঙনরবা অনৌবা রাইদর অমা হন্দক হৌদোকখ্রে।

থৌরাং অসীনা, শেল য়াম্না তিংনা হোস্পিটালশিংদা চত্তুনা চেক-অপ তৌবা, লায়েংবনচিংবা ঙমজদবা লৈবাক অসীগী লায়রবা ঈমূঙ ক্রোর কয়াদা অনৌবা চহীগী মমল নাইদ্রবা খূদোল অমা ওইরগনি হায়রি।হন্দক মায়খূম হাংদোকখিবা ফেটল ফ্লোরিস অসিনা এদভান্স ওইরবা ইন-য়ুটেরো প্রোসিদ্যুরশিং অমদি রিস্ক ৱাংনা লৈখ্রবা মীরোনবগী ফীভমশিংদা অনৌবা অমদি তোমথিন ওইরগদবা, শেলগী তেঙবাং পীরগদবা থৌরাং অমা ওইরে। মতম কয়া কনভেন্সনেল মেটর্নিটি ইন্সুরেন্স ঈফং ফংদনা লৈরক্লিবা এরিয়াশিংদা বাজাজ জেনরেল ইন্সুরেন্স লিমিটেদনা লৌখৎলক্লিবা থৌরাং অসীনা মীয়ামগী, মরূওইনা মমা ওইবিশিংগী অৱাবা পোৎলূম অয়াম্বা থাংথরগনি, মমাগী শিয়োম্নুংদা লৈরিবা অঙাঙশিং অশোয়-অঙাম থোকহন্দবা য়ারগনি হায়রি।

লোঞ্চ তৌখিবা থৌরমদুদা বাজাজ জেনরেল ইন্সুরেন্স লিমিটেদকি এমদি অমসুং সি ই ও দা. তপন সিঙ্ঘেলনা হায়, ঈমূঙ মনূঙ অমসুং মমা-মপা ওইবা পূম্নমক্কি ওইনা মীরোল্লকপা মতম হায়বসি য়াম্না অরুবা তানফম অমনি অদুগা আসা কয়ানা থনবগা লোয়ননা মিতম্লিবা অঙাঙ অদূ অশোয়-অঙাম য়াওদনা তাইবংপান ফাওরক্নবা হোৎনরিবনি।শেল লৈতবদগী অসীগুম্বা মতাঙদা হোস্পিটাল দা চৎপা ঙম্লরোই হায়না ৱারম্বা কয়াদু হৌজিক্তি ৱারুবগী মথৌ তাদ্রে।পূম্নমক্কি সোল্লুসন ফেটল ফ্লোরিস না ওইরগনি হায়খি।