মতম কয়াগী মমাঙদগী মীয়ামগী অনা-লায়েঙগী থবক-থৌরমশিং পাঙথোক্তুনা লাক্লিবা বিষ্ণুপুর দিষ্ট্রিক্ট হোস্পিটাল অসী লোকেল এম এল এ,হোস্পিটাল অসীগী মেনেজমেন্ট কম্মিটি, সি এম ও, দিষ্ট্রিক্ট হোস্পিটাল অসীগী মেদিকেল সুপেরিনটেনদেন্ট অমসুং লন্নাই মীওই কয়ানা খূৎশম্নদুনা মতমগা চানবা খূৎশু-খূৎলায়শিং হাপকত্তুনা অমসুং ফমূঙসু হৌজিক ৫০ লৈরিবা অসীগী মথক্তা নৌনা ১৫০ হাপকত্তুনা,পূন্না ফমূঙ ২০০ লৈরবা হোস্পিটাল অমা ওইনা শেমগৎকদৌরি।
মসীগী মতাঙদা হোস্পিটাল অসীগী মেনেজমেন্ট কম্মিটিগী মেম্বর অমা ওইনা লৈরিবা মোইরাংথেম বিল্কিনা হায়, মতম অমদদি হোস্পিটাল অসিদা অলত্রাসোনোগ্ৰাফিগী মেচিন অমফাওবা লৈরমদবনা দরকার লৈরকপদা অতোপ্পা মফমশিংদা অনাবা মীওইশিংদু রিফর তৌরম্মি।হৌজিক্তি ওর্গনাইজেসন অমনা দোনেট তৌবিরকপা,হায় -টেক অল্ট্রাসাউন্দ মেচিন অমা লৈরে,থবক নীঙথীনা পাঙথোকপা ঙম্লে অদুগা রিজল্টসু য়াম্না ময়েক শেংনা অমসুং য়াম্না চুম্না মীয়ামদা অথূবা মতমদা ফংহনবা ঙম্লে।মসীগীসু মথক্তা,মখল-মখা কয়াগী অনাবশিং টেষ্ট তৌবা ঙম্লবা মতমগা চুনরবা মেচিন অমদি ইক্বিপমেন্ট হোস্পিতাল অসীদা লৈদুনা মীয়ামদা অহেনবা খুদোংচাবা ফংহনবা ঙম্লে হায়না বিল্কিনা ফোঙদোকখি।
দিষ্ট্রিক্ট হোস্পিটাল অসীদা নোংমদা চাংচত্তা মেজর ওপরেসন ৫ দগী তাদনা পাঙথোকপসু ঙম্লে হায়না মহাক্না ফোঙদোকখিবগা লোয়ননা অনৌবা,মতমগা চানবা মেচিন অমসুং ইক্বিপমেন্তশিং লৈরবা হোস্পিটাল অসী মনিপুরগী য়াম্না মরূওইবা অনা-লায়েঙশঙ অমা ওইনা চাওখৎলক্লি হায়খি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে