হৌখিবা দিসেম্বর ২০,থাংজা নুমিৎকি অয়ূক পূঙ ৭ লোম তারকপদা ইম্ফাল ইষ্ট দিষ্ট্রিক্টকি মনূঙচন্না লূৱাংশংবম দা লৈরিবা লিবরেল কোল্লেজগী গেট মনাক্তা হেন্দ গ্ৰেনেদ অমা শকখঙদবশিংনা থম্লম্বদগী মীয়াম মিপাইনবা পোক্নখ্রে।
মীয়াম্না মদূগী মতাঙদা মরী লৈনবশিংদা পাউ পীরকপদগী হৈঙাং পুলিস ষ্টেসনগী পার্সনেলশিং অমদি মনিপুর পুলিসকি বোম দিটেক্সন এন্দ দিস্পোজেল স্কৱাদকি টিম লাক্তুনা য়েংশিনখি।বোম অদূ দিটোনেটর য়াওরমদবা থেংনখি।মমৈথঙদা পুলিসকি টিম্না বোম অদূ ঈবুধৌ মার্জিং চীঙগী মফম অমদা অশোয়-অঙাম য়াওহন্দনা দিফ্যুজ তৌখি।
নাকল অমরোমদা,ককচীং দিষ্ট্রিক্ট মনূঙ চন্না লৈবা পল্লেলগা তাইনরিবা তেংনৌপল দিষ্ট্রিক্টকি মনূঙচন্না লৈরিবা মোলনোম কুকি খুলদা হৌখিবা থাংজা নুমিৎকি নুংথিলদা খঙহৌদনা অরীবা মতমগী ওইগনি থাজনরিবা বোম অমা পোকখায়রকপদা খুল অদূদা লৈবা অঙাং অহূম শোকপদগী পল্লেলদা লৈরিবা ২৬ সেক্টর আসাম রাইফলসকি হোস্পিটালদা পুখৎলক্তুনা লায়কন্নখ্রে হায়রি।অঙাং অহুম অদূগী মনূঙদা অমগীদি খরা হেন্না ফীভম লুনা লৈরি হায়রি।মহাক্কি মমীঙ ঙামগুনমাং হাওকিপ (৮) কৌই। অতোপ্পা অঙাং অনীগী মমীংনা হেনুগাউ বাইতে (১০) অমসুং জাংগুনশৈ বাইতে (৮) নি হায়রি।
You may also like
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর
-
ষ্টেট এসেমব্লিগী মীফম চত্থরগনি
-
পোৎ-চৈ পুরকপা ট্রক ৬৪৪ ইম্ফালদা চঙলকখ্রে
-
খ্বাইরম্বন্দ কৈথেলদা ঈমাশিংনা সেন্সসকি মায়োক্তা অকনবা খোঙজং চঙশীনখ্রে
-
মাউন্ট মনিপুরদা অথৌবশিংগী নীংশিং থৌরম পাঙথোকখ্রে, অতৈ মফমশিংদসু পাকসন্না পাঙথোক্নখ্রে