প্রসিদেন্ট দ্রৌপদি মুর্মুনা সেনাপটিদা প্রোজেক্ট কয়ামরুম শঙ্গারম্লবা মতূঙদা দিল্লি পাংখ্রে

নুমিৎ নীনীগী খোঙচত্তা, চৎলিবা দিসেম্বর থা অসীগী ১১ গী নুমিৎয়ুংবা মতূঙদা ইম্ফালদা থুংলখিবা লৈবাক অসীগী প্রসিদেন্ট দ্রৌপদি মুর্মুনা সেনাপটিদা প্রোজেক্ট কয়ামরুম শঙ্গাখ্রে অদুগা প্রোজেক্ট কয়া অমসু থবক্তা ওন্থোক্ননবা উরেপ-উয়ুং তম্লম্লে।মহাক্কি নীনী চনবা, খোঙচৎকি অরোয়বা নুমিত্তা প্রসিদেন্ট না সেনাপটি দিষ্ট্রিক্ট হেদক্বার্টরদা চত্তুনা মীয়ামগী মীটিংদা শরূক য়াখি।
মহাক্না ৱা ঙাঙবদা,লৈবাক অসীগী চাওখৎ-খোঙথাঙ হেঙ্গৎহন্ননবা থবক পায়খৎলকপদা মনিপুরগী য়াওনা লৈবাক অসীগী কাচিন-কোয়াশিংদা মনূঙ হঞ্জিন্না লৈরিবা ট্রাইবেলগী মীয়াম পূম্নমক শরুক য়াহনবা অমসুং খুদোংচাবশিংগী চাকথূঙসু মপূঙফানা ফংহন্নবা হোৎনবা হায়বসি সেন্টর লৈঙাক্কি প্রাইয়োরিটিদা লৈরিবা পোলিসি অমসুং ওবজেক্তিবনি হায়বা ৱাফম থম্লমখি।
ট্রাইবেলশিংগী ফীভম ফগৎহন্ননবা সেন্টর অমসুং ষ্টেট লৈঙাক্না অকনবা থবকশিং লেপ্তনা পায়খৎলি।লৈবাক অসীদা লৈরিবা কাঙলূপ খূদীঙমক থোং মান্ননা চাওখৎমিন্নবা য়াননবা সেন্টর লৈঙাক্না তোঙান তোঙানবা লোকেল লিদরশিং,ষ্টেকহোল্ডর,সি এস ওশিংগা খূৎশম্নদুনা থবক চঙশীল্লি হায়না প্রসিদেন্ট না ফোঙদোক্লমখি।
প্রোজেক্ট কয়ামরুম শঙ্গারম্লবা অমসুং অতোপ্পা প্রোজেক্ট কয়া অমগীনা উরেপ-উয়ুং তম্লম্লবা মতূঙদা মখাতানা আই দি পিশিংগা উনরম্লবা মতূঙ দ্রৌপদি মুর্মু ন্যু দিল্লিগীদমক ইম্ফাল থাদোকখি।
প্রসিদেন্টনা মনিপুর থাদোকখিবগা লোয়ননা কোর্কোমগী টুটেল সটদাওনগী খোঙজঙসু লোইশিনখ্রে। মনিপুরগী গভর্নর অজয় কুমার ভাল্লাগা লোয়ননা লৈঙাক্কি মকোকথোংবা ওফিসিয়েলশিংনা প্রসিদেন্ট বু নুংশিবা অমদি ঈকায়খুম্নবগা লোয়ননা বিদাই পীখি।