পেট্রিওটিক রাইটর্স ফোরম মনিপুর অমসুং মনিপুর ৱিমেন লিটরেরি এন্দ কলচরেল ওরগানাইজেসন,অসাম,হোজাইনা খূৎশম্নদুনা হোজাই লমদমগী মনূঙচন্না লৈরিবা গোবিন্দপুরদা নূপীলান নীঙশীং নুমীৎ পালন তৌখ্রে।
মফম অদূদা লৈরিবা থম্বাল রাইজিং ক্লবকি থৌমীশিংসু শরুক য়ারদুনা ক্লব অদুগী গ্ৰাওন্দা থৌরমদু পাঙথোকমিন্নখিবনি।মমাঙগী চহীদা পেট্রিওটিক রাইটর্স ফোরম মনিপুরগী থৌমীশিং লাক্তুনা হোজাই লমদমদা নূপীলানগী খুভম অমা শাবিরমখিবা অদুনা তুংদা হৌরক্লিবা অসামগী মৈতৈশিংদা অনৌবা থৌনা-লিংজেলগা লোয়ননা মরৈবাক নুংশিবগী অকনবা ইথিল অমসু পীবা ঙম্লে হায়না, থৌরমদুদা ৱা ঙাঙবদা মনিপুর ৱিমেন লিটরেরি এন্দ কলচরেল ওরগানাইজেসন অসাম হোজাইগী প্রসিদেন্ট হুইরোংবম কুঞ্জবতিনা অপেনবা ফোঙদোকখি।
নীঙশীং নুমীৎকি থৌরমদুদা ফোরম অসীগী প্রসিদেন্ট নাউরোইবম খম্বা লূৱাংনা অথোয়বা মীথূঙলেন ওইনা ৱা ঙাঙখি।ঐখোয় মশেল পূন্সীন্দুনা ঈরমদম কনমিন্নবগী তঙায়ফদবা মতমদু লাক্লে।চোইনা খুন্দাখ্রবা মনিপুরিশিং খোমজীন-তাশীন্দুনা ঈ গী মরী ওইবশিং অমত্তা ওইনা পূন্দুনা ঈজাতিগী,ঈফূরুপকি খোঙ্গূল মূৎখিদনবা থবক পায়খৎপা হৌরসি হায়না লূৱাংনা ফোঙদোকখি।ফোরম অসীগী সেক্রেটরি রাকেস নাউরেমসু থৌরমদুদা ৱা ঙাঙখি।
You may also like
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর
-
ষ্টেট এসেমব্লিগী মীফম চত্থরগনি
-
পোৎ-চৈ পুরকপা ট্রক ৬৪৪ ইম্ফালদা চঙলকখ্রে
-
খ্বাইরম্বন্দ কৈথেলদা ঈমাশিংনা সেন্সসকি মায়োক্তা অকনবা খোঙজং চঙশীনখ্রে
-
মাউন্ট মনিপুরদা অথৌবশিংগী নীংশিং থৌরম পাঙথোকখ্রে, অতৈ মফমশিংদসু পাকসন্না পাঙথোক্নখ্রে