মনিপুরগী মীয়াম্না সঙাই ফেষ্টিভেল পাঙথোকপিগনু,মতাঙ চাদে হায়না পি আর লৈঙাক অসিদা মায়কৈ পূম্নমক্তগী লাউনরক্লবসু শক্তি পায়রবনি,তৌবা ঙম্বনি হায়বগী থৌওং চত্থদুনা চৎলিবা নবেম্বর থা অসীগী ২১ দগী মনিপুর লৈঙাক্না হন্দক চহীগী সঙাই ফেষ্টিভেল পাঙথোক্নবা থৌরাং তৌরক্লিবা অসীবু খম থেংনা য়ানিংদবা ঊত্তুনা আইন্না থিংখ্রবা কে সি পি এম সি ( প্রোগ্ৰেসিব) না মনিপুর পূম্বদা কৌখিবা জেনরেল ষ্ট্রাইক না ষ্টেট অসীগী মীয়ামগী মহৌশাগী পুন্সিদা চাউনা অকায়বা পীখ্রে।
থোইদোক -হেন্দোক্না লমদম অসিগী তম্পাক্কি লমশিংদদি বন্দ অসিনা মরম ওইদুনা খুন্তাক -লান্সিরবা ফীভম অমা উবা ফংখি।মীয়াম লম্বীদা খোঙনা চৎপা অমসুং গারী তোংদুনা চৎপগী চাং কা হেন্না হন্থখি।ইম্ফাল মনূঙ অমসুং মসীগী অকোয়বদা লৈরিবা কৈথেলশিং থোঙ লোন্নখি।তম্পাক্কি তোঙান তোঙানবা দিষ্ট্রিক্টশিংদা লৈরিবা মহৈ লোয়শঙশিং য়াওনা লৈঙাক্কি ইন্সটিট্যুসনশিং অয়াম্বা থোঙ হাংনখিদ্রে,মহৈরোয়শিং স্কুল,কল্লেজদা চৎনখিদে।
দিষ্ট্রিক্ট অমগা অতোপ্পা দিষ্ট্রিক্ট অমগা ফাওনরিবা লম্বীশিংদা গারীশিং চেনখিদে।বন্দ মনূঙদা পামদবা থৌদোকশিং থোকখিবগী পাউদি লৈখিদে।
You may also like
-
এম পি সি সিনা কুম্বিদা নোংমগী ওইবা পোলিটিকেল কনফরেন্স পাঙথোকখ্রে
-
আই দি পি নূপীমচা অমা শিরম্লে, চেন্নবনি হায়বা নূপা অমা ফাগৎখ্রে
-
ত্রোংলাউবি অৱাং লৈকায়দা কুকিনা কাপশীল্লকপদা পীক্লিবা মচীন-মনাউ অঙাং অনী শিরে
-
থা কাখিবা আর্টেমিস-২ , ঙসী মশাগী পন্থুংফম য়ৌরগনি
-
ময়াই কাবা দ্রগকি মায়োক্তা এম এস এফনা শীন্দুনা বাইক রেল্লি চৎখ্রে