মনিপুরদা লম কোয়বা লাকপশিংগী মশীঙ ঈকায়নিঙায় ওইবা থাক্তা হন্থরক্লি

হৌখিবা চহী অনী মখায়রোমগী মতমসিদা মনিপুরদা লম কোয়বা লাকপশিংগী মশীঙ অসী য়াম্না নীঙবা কায়নিঙায় ওইনা অমসুং ইকায়নিংঙাই ওইবা থাক্তা হন্থরক্লে হায়না রিপোর্ট অমনা খঙহল্লক্লি। লম কোয়বা লাকপশিংগী মশীঙ ঈকায়নিঙায় ওইবা থাক্তা হন্থরক্লিবসিগী মরূওইবা মরমদি চহী অনী মখায়রোমগী মতমসিদা মৈতৈ অমসুং কুকি কাঙলূপ অনীগী মরক্তা হাৎন -শুনবগী থৌদোক থোক্লকপা অসীনি।মসিগী মথক্তা এরোপ্লেনগী অতোঙমলসু কা হেন্না ৱাংখৎলক্লিবসিনা মরম ওইরগা টুরিষ্টশিং লাকপদা খুদোংচাহন্দনবগী মরমসু ওইরি হায়না রিপোর্ট অসিদা ফোঙদোরক্লি।

হৌখিবা কুমশিং ২০১৯-২০ দা মনিপুরদা টুরিষ্ট লাখ ১.৭৯ লম কোয়বা লাকপগী রেকোর্ট লৈরি অদুগা অমরোমদা,কুমশিং ২০২৪-২৫ গী মতমদনা লম কোয়বা লাকপগী মশীং অসী শুপ্নগী লীশীং ১৭ খক্তা ওইখি হায়রি। য়ুনিয়ন মিনিষ্টর ওফ ষ্টেট ফোর হোম এফ্যের্স বন্দি সঞ্জয় কুমারনা হন্দক মনিপুরদা লাকখিবা মতমদুদা ষ্টেট অসীগী ওফিসিয়েল কয়ানা মনিপুর গুৱাহাটি, মনিপুর কোলকত্তা, মনিপুর দিল্লিনচিংবগী মরক্তা হঙ্গৎ -হন্দা সার্বিস তৌরিবা পেসেঞ্জর ফ্লাইটশিংগী অতোংমল কা হেন্না ৱাংখৎলক্লিবসিনা মনিপুরগী মীয়াম অমসুং লম কোয়বা লাক্লিবশিংদা কা হেন্না চৈথেং পীরক্লিবা কয়া অদূগী মতাঙদা ৱাকৎখিবগা লোয়ননা মিনিষ্ট্রি ওফ সিভিল এভিয়েসন্দা হীরম অসীগী মতাঙদা খঙহনবিনবসু তকশীনখিবনি।

এরোপ্লেনগী অতোংমল হেঙ্গৎলক্লিবসি য়েংশিনবিননবা খূরায় কেন্দ্রগী এম এল এ লৈশাংথেম সুশিন্দ্রোনা মিনিষ্ট্রি অসিগী সেক্রেটরিদা অইবা চেরোলগা লোয়ননা অতোংমল হন্থহন্নবা অমদি ফ্লাইট মশীং হেঙ্গৎহন্নবা তকশীনবসু লৈরবনি।