ইম্ফাল মনূঙদা লৈরিবা পাউনা কৈথেলগী লম্বী শেম্লিবা পি দব্লিয়ু দিগী মখাদা থবক তৌরিবা ষ্টাফ অমদি শিন্মীশিংনা লম্বীগী মতাইদা থাবা উপাল তরেট ফূক্তত্তুনা মাঙহল্লুবগী মরালদা মনিপুর লৈঙাক্কি ফোরেষ্ট দিপার্টমেন্ট না লৈঙাক অসীগী মখাদা লৈরিবা পব্লিক ৱার্কস দিপার্টমেন্ট (পি দব্লিয়ু দি) গী মথক্তা শো কোজ নোটিস থাখিবগা লোয়ননা উপাল তকখায়বা অমসুং ফূক্তৎপদা শীজিন্নবা এক্সকাভেটর অনী ফাগৎখ্রে।
শিন্মীশিংনা লম্বীগী মতাইদা থাবা ফাইকস বেঞ্জামিনা হায়না খঙনরিবা অতাঙবা উপাল মখল অসী তরেৎ তুম্না মাঙহল্লম্বনি হায়রি। ফোরেষ্ট কি এরিয়া নত্রবসু মরম চাদনা কনাগুম্বনা উপাল য়ান্থৎপা য়াদে। করিগুম্বা তঙায়ফদবদগী য়ান্দবা য়াদবা ফীভম লাক্লবফাওবদা মাঙজৌননা মনাক নকপা ফোরেষ্ট লোয়শঙদগী পার্মিসন লৌহৌগদবনি লোয়ননা উপাল অমা য়ান্থৎপা তারবদি অপীকপা উপাল মঙা থাজিনগদবনি হায়বা রুল লৈজরিবনি হায়রি।
অসীগুম্বা নিতি-নিয়মশিং অদূ পি দব্লিয়ু দিনা ঙাকখিদে হায়না ফোরেষ্ট দিপার্টমেন্টনা পেন্দবা অমসুং য়ানিংদবা ফোঙদোরক্লি।