হৌখিবা থা অনীগা নুমিৎ মঙানি হেন্না বিরমঙ্গোল কোল্লেজগী অনৌবা প্রিন্সিপাল ঙসীফাওবা হাপ্লক্তবগী মায়োক্তা কোল্লেজ অসীগী টিচিং, নোন-টিচিং ষ্টাফশিং অমসুং মহৈরোয়শিংনা ৱাকৎ মীফম চত্থরদুনা অকনবা খোঙজঙ চত্থখ্রে।
বিরমঙ্গোল কল্লেজ টিচর্স এসোসিয়েসন অমসুং বিরমঙ্গোল কল্লেজ ষ্টুডেন্টস য়ুনিয়ন্না শীন্দুনা চত্থখিবা খোঙজঙ অদুদা য়ুনিয়নগী মেগাজিন সেক্রেটরি টি মকোক লৈশেম্বনা হায়, ষ্টেট লৈঙাক্কি অথোরিটিনা চহী অসীগী জুলাই ১৬ তা কোল্লেজ অসীগী অনৌবা প্রিন্সিপাল ওইনবগীদমক দা. এ সুরেঞ্জিৎ হাপ্লে হায়না ওর্দর অমা থোকখি। দা. সুরেঞ্জিৎ অসী কোল্লেজদা জোইন তৌরমদাইদা মশাগী অনাবা অমনা মরম ওইদুনা লৈখিদ্রে। ফীভম অসী লৈবনা পাস আউট মহৈরোয়শিংগী দোক্যুমেন্টশিং সাইন তৌবিনবা লৈতবদগী মহৈরোয়শিংগী পুন্সিগী কেরিয়র মাঙলগদ্রা হায়বগী মিপাইবা লৈরি হায়খি।
ষ্টেট লৈঙাক্কি প্রিন্সিপাল সেক্রেটরি অমসুং ইদ্যুকেসন য়ূ গী দিরেক্তর নচিংবদা কয়ারক হন্না হীরম অসীগী মতাঙদা হায়জখ্রবসু ঙসীফাওবা থবক্তা ওন্থোক্তনা লৈরি। থৌওং অসী য়াম্না পেন্দে হায়না লৈশেম্বনা ফোঙদোকখি। লৈঙাক্না মহৈরোয়শিংগী য়েংনগা অথূবা মতমদা অনৌবা প্রিন্সিপাল অমা থাবিরক্ননবা আপিল তৌরক্লি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে