জেলিয়াংরোং ফূরূপকি লুচিংবা অমা ওইখিবতা নত্তনা অপূনবা মনিপুরগী শক্তম কায়হন্দনবা হোৎনরম্বা হায়পৌ জাদোনংগী খূদূঙ ইনবগী তঙায়ফদবা ঙসীগী মীরোল অসীদা হেঙ্গৎলক্লি হায়না হান্না ইম্ফাল ম্যুনিসিপাল কোরপোরেসনগী মেয়র ওইনা থৌ পুরম্বা মাইবোন ফাওমৈনা ফোঙদোকখ্রে।
ঙরাং, মনিপুরগী শক্তম কায়হন্দনবা হোৎনরম্বা ফ্রীদম ফায়টর হায়পৌ জাদোনংগী ৯৪ শুবা লৈখিদবগী কুম্মোন থৌরম অমা ইম্ফাল ইষ্টকি চীঙমৈরোং কবুই খুলদা লৈবা তিঙ্কাউ রাগ্বাং কালুঙ্কাই দা পাঙথোকখিবদা শরুক য়াখিবা ফাওমৈনা ৱাফম অসী ফোঙদোকখিবনি। তিঙ্কাউ রাগ্বাং চপ্রিয়াক ফোম আসাম, মনিপুর অমসুং নাগালেন্দ না শীন্দুনা পাঙথোকখিবা থৌরমদুদা মহাক্না ৱাফম অসী ফোঙদোকখিবনি। তিঙ্কাউ রাগ্বাং চপ্রিয়াক ফোম, আসাম, মনিপুর অমসুং নাগালেন্দগী ৱার্কিং প্রেসিডেন্ট চুংকৈরুং কামৈ, ভাইস প্রসিদেন্ট পৌ পৌহোমলুং কামশোন, লৈকায়গী অহল-লম্মনশিং, ভিল্লেজ লীদরশিং থৌরমদুদা শরুক য়াখি।
ফ্রীদম ফায়টর হায়পৌ জাদোনংগী ফোতো পুদুনা লাক্লবা মতূঙদা হোলী ৱাইন কৎখি। মদূগী মতূঙদা মীয়াম্না লুচিংবা অসীগী ফোতোদা লৈ-শূ কত্তুনা ঈকায়খুম্নবা ঊৎখি। জাদোনংগী মরৈবাক-মরমদম নুংশিবগী ৱাখল্লোন, মহাক্কি মথৌনা-মরীঙজেল ঙসীগী হৌগৎলক্লিবা নহারোলশিংনা খূদূঙ ইনবগী তঙায়ফদবা হেঙ্গৎলক্লি। মনিপুরদা য়েলহৌঙৈদগী নুংশি চাননা খুন্দামিন্নরক্লিবা কাঙলূপশিংগী নুংশিনবগী মরী হেন্না চেৎশীন্ননবা হোৎনবগী মতমদু য়ৌরে হায়নসু ফাওমৈনা ফোঙদোকখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি