হৌখিবা কুমশিং ২০২৩ গী মে অহুমদগী ঙসীফাওবা থোক্লিবা হীঙশাগী ঈরাং অসীনা মরম ওইদুনা মনিপুরদা মৈতৈ অমসুং কুকি- জো কাঙলূপশিংগী মরক্তা শক উনবা য়ানদবগী, অউ-অউবা হাৎনবগী থৌওং অমা লৈরি।
মশা-মশাগী লমদমশিংদগী হেন্দোক্নদনা লৈনরি। কুকিশিংনা নম্না খুন্দারিবা মফমশিংদা খুদি-খূৎনান্থোক্তগী নত্রগা লম্মাংনদুনা চঙশীল্লুবা মৈতৈগী মীওই কয়া থিবা খঙখিদবা, শিনা ফংখিবা নত্রগা শিরে খঙলবসু মশা ফংহনখিদবা কয়া য়াওখ্রবনি। চৈরকশিদা ঙরাংসু মসীগা চপ মান্নবা মওংদা শেকমাই মখা লৈকায়দগী য়ূমজাও অঙোম (৬০) অপোকপা লৈখিদ্রবা তঙাংজাও অঙোম কৌবা মীওই অমা সপরমৈনাদা চঙশীল্লুবদগী পুলিসনা কনবা ঙমখ্রে।
কুকিশিংনা মহাকপু ফাজিন্দুনা, মহাক্না মফম অদুদা লাক্লিবগী মরমশিং হংলকপদা মহাক্তি হীদাক লৈবা লাকপনি হায়না খুম্লকখিবগী ভিদিও ফূটেজ থাগৎলকখি। মদূগী মতূঙদা কুকিশিংনা মহাকপু পুলিসতা শিন্নরকখিবনি হায়রি।
