হৌজিক্কি মতমদা চৎনবী অমা ওইনা অৱাংবা থাক্কি রাজনিটি তৌবা কাঙবূনা লৈবাক অসীগী ইজ্জৎ লৈরবা ইনভেষ্টিগেসন এজেন্সিশিং, মরুওইনা এনফোর্সমেন্ট দিরেক্তরেটকুম্বা কয়াবু হন্থবা থাক্তা চিংথরক্তুনা পোলিটিকেল প্লেটফোর্ম অমা ওইনা শীজীন্নরকপগী থৌওংশিং অসী কৈদৌনুংদা পূক্নিং থৌগৎনিঙায় ওইদে। থৌওংশিং অসীনা লৈবাক অসীগী ইজ্জৎ-সন্মানবু তোরা তুনা মাঙহনগনি হায়না ইন্দিয়াগী চিফ জষ্টিস বি আর গাভাইনা লুচিংবা সুপ্রিম কোর্ট কি বেঞ্চ অমনা ফোঙদোকখ্রে।
বেঞ্চ অদু লুচিংখিবা গাভাই না হায়, ইজ্জৎ লৈরবা সি বি আই, এন আই এ, ঈ দি নচিংবা ইনভেষ্টিগেসন এজেন্সিশিং অসীবু রাজনিটিগী অখূবা থাক্তা চিংশিল্লক্তুনা মথৌ নত্তনা মথৌ তৌহল্লকপগী চৎনবী অসী সুপ্রিম কোর্টনা খাঙদুনা, তূমীন্না য়েংদুনা লৈথোকপা পামদে। লৈবাক অসীগী খ্বায়দগী মকোকথোংবা ৱায়েল লোয়শঙ অমা ওইরিবা সুপ্রিম কোর্ট ফাওবা পোলিটিকেল প্লেটফোর্ম অমা ওইহন্নবা হোৎনরকপগী ফীভম উবা ফংলকপসি য়াম্না লাইবক থীবনি হায়না চিফ জষ্টিসনা নুংনাংবা ফোঙদোকখি।
মৈসুরু অর্বান দেভলপমেন্ট অথোরিটি (মুদা) না মীওই খরদা লম পীথোক্লম্বগা মরী লৈননা কর্নাটাকাগী চিফ মিনিষ্টর সিদারমাইয়াগী লোয়নবী প্রভাটি অমসুং ষ্টেট অদূগী মিনিষ্টর বাইরাথি সুরেসকি মথক্তা মনি লোন্দরিংগা মরী লৈননা কেস অমা থাঙ্গৎলকখিবগী মতাঙদা কর্ণাটাকা হায় কোর্ট না তাখিবা রাই অমা চৎনহনবিগনু হায়না এনফোর্সমেন্ট দিরেক্তরেটনা থাঙ্গৎলকপা পেটিসন অমগী হিয়ারিং চত্থরকপদা এস সিনা ৱাফমশিং অসী থম্লদুনা ওবজার্বেসন পীখিবনি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
আই দি পিশিংনা ময়ূমদা হঞ্জিঞ্জরগে হায়বদা অথীংবা পীরিবসি কনাননো থিগৎপা তঙায় ফদ্রে: খেমচান্দ
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর