পুনিট কুমার গোয়লনা মনিপুরগী চিফ সেক্রেটরি ওইনা থৌ পুবা হৌখ্রে

এপ্পোইন্টমেন্ট কম্মিটি ওফ দি কেবিনেট ( এসিসি) না হন্দক্তা মনিপুরগী চিফ সেক্রেটরি ওইনা এপ্পোইন্ট তৌরকখ্রবা ১৯৯১ বেটচকি এ জি এম য়ু টি ওফিসার অমা ওইরিবা পুনিট কুমার গোয়ল ঙরাংদগী মনিপুরগী চিফ সেক্রেটরি ওইনা মথৌ পুবা হৌখ্রে। মহাক্না হান্নগী চিফ সেক্রেটরি প্রসান্ট কুমার সিংহদগী চিফ সেক্রেটরি গী থবক পুহৌননবা চার্জ লৌবগী অচম্বা থৌরম অমা ওল্ড সেক্রেটরিয়েত্তা লৈবা কনফরেন্স হোলদা পাঙথোকখ্রে। থৌরমদুদা শরূক য়াখিবা মকোকথোংবা সেনিয়র ওফিসিয়েলশিং অমদি তোঙান- তোঙানবা দিপার্টমেন্ট শিংদগী লাকখিবা ষ্টাফশিংনা হান্নগী চিফ সেক্রেটরি প্রসান্ট কুমার সিংহনা লৌরম্বা মরুওইবা থৌদাং কয়াগী মতাঙদা পল্লদুনা থাগৎখিবগা লোয়ননা বিদাই পীখি অদুগা নৌনা চিফ সেক্রেটরি ওইরক্লবা পুনিট কুমার গোয়লবু হরাও তরাম্না ওকখি।

এপ্পোইন্টমেন্ট কি চেরোলদা য়াওরকখিবা ৱারোলগী মতূঙ ইন্না, নৌনা চিফ সেক্রেটরি ওইরবা গোয়লনা মথঙ চহী ২০২৬ কি আগষ্ট ৩১ ফাওবা মফম অসীদা সি এস ওইনা থৌ পুগদবনি হায়রি। মহাক্না সি এস ওইনা থৌ পুননবগীদমক ইম্ফাদা লাকখিবদা ষ্টেট লৈঙাক্কি কম্মিস্নার (হোম)  আশোকুমারনা লুচিংবা টিম অমনা হরাও তয়াম্না ওকখিবনি। মহাক মমাঙগী চহী কয়ামরুম গোৱাগী চিফ সেক্রেটরিগী ফম পুরমখিবা য়াওনা তোঙান- তোঙানবা মরুওইবা ফম কয়া পুদুনা লাকখ্রবা সেনিয়র ওফিসার অমনি হায়রি।

মহাক কুমশিং ১৯৬৬ কি আগষ্ট থাদা দিল্লিদা পোকখি। মনিপুরগী হান্নগী চিফ সেক্রেটরি পি কে সিংহ অসী মথৌদা পূক্নিঙ চঙদে, সাসন তৌবা হৈতবগী মমি তাই হায়দুনা মীয়াম্না ঙাঙনদুনা লাকখিবনি। মহাক নেস্নেল কম্মিসন ফোর সেদ্যুল্ড ট্রাইবকি সেক্রেটরি ওইনা এপ্পোইন্ট তৌখ্রে।