দিল্লিদগী ইম্ফাল তন্না পায়রকপা ইন্দিগো ফ্লাইট টেক্লিকেল প্রোব্লেম ওইবদগী দিল্লিদা অমুক হন্না হনখে

ঙসি অযুক লৈবাক অসিগী কেপিটেল সিটি ওইরিবা দিল্লিদগী ইম্ফাল তন্না লাক্কদবা ইন্দিগো এয়রক্রাফ্ফ্ট অমা এয়রপোর্টতগী পায়খৎখিবা ইকান কান্নদনা টেক্লিকেল প্রোব্লেমনা মরম ওইরগা অমুক হন্না দিল্লিগী ইন্দিরা গান্ধি ইন্তরনেসনেল এয়রপোর্টতা লেন্দিং তৌখে। পাউ অসিনা মখা তানা হায়রিবনা, ইন্দিগো ফ্লাইট ৬ঈ৫১১৮ অসি দিল্লিগী ইন্দিরা গান্ধি ইন্তরনেসনেল এয়রপোর্টতগী পায়খৎখিবগা ইকান কান্নদনা মাইনর টেক্লিকেল প্রোব্লেম অমা পাইলোটনা দিটেক্ট তৌরকপদগী

মসিগী চেকশিন থৌরাং ওইনা পাইলোটনা প্লেন অদু মমায় লৈরগা এয়রপোর্টতা অমুক হন্না লেন্দিং তৌখিবনি। চাওরাক্বা প্লেন অদো পুং ১ রোম পায়রবা মতুংদা টেক্লিকেল প্রোব্লেম অদু থেংনরকখিবনি। নিয়মগী মতুংইন্না এয়রক্রাফ্ফ্টশিং অসি এয়রপোর্টতগী পায়খৎত্রিঙৈগী মমাংদা করি করি অশোয় অঙায় য়াওরিবগে হায়বদু চেক তৌগদবনি। অদুবু ঙসি প্লেন অদুনা পায়খৎলবা মতুং মাইনর টেক্লিকেল প্রোব্লেম অমা মায়োকুখি হায়বগী মতাং অদুদা ইন্দিগোগী মায়কৈদগী হৌজিক ফাওবা ওফিসিয়েল ওইনা করিগুম্বা অমত্তা

ফোঙদোকপা লৈত্রি। অদুবু হৌদোক অদুনা মরম ওইরগা পেসেঞ্জরশিংদা খুদোংচাদবা থোকহনখিবা অদুগীদমক্তদি নুংঙাইতবা ফোঙদোকচরি কষ্টমর, ক্রু অমসুং এয়রক্রাফ্ট অসিগী সেফটি অমসুং সেক্যুরিটি অসি য়াম্না মরুওই। সেদ্যুলগী মতুংইন্না দিল্লিদগী পায়রকখিবা ইন্দিগোগী ফ্লাইট অদো নুংথিল পুং ১.১০ তাবা মতমদা ইম্ফালদা থুংলগদবনি হায়রি। থৌদোক অসি দিল্লিদগী গোৱা তন্না পায়গদবা ইন্দিগো ফ্লাইট অমা ঙরাং নোংখত্তা ইঞ্জিন ফেলর ওইরকপদগী মুম্বাইদা ইমর্জেন্সি লেন্দিং থোকখিবা খৌদোক্রুগী হেক নোংঙানবদনি।