চৎলিবা মে থা অসীগী ১০ গী অঙনবা, অহীঙ নোংয়াই মতূঙ পূঙ ১২.৩০ রোম তারকপা, মীচীক-মীরাওখোল তারক্ট্রবা, মীয়াম্না তূমথনখ্রবা মতমদা শকখঙদবশিংনা ইম্ফাল ইষ্ট দিষ্ট্রিক্টকি মনূঙচন্না কোংপাল খাইদেম লৈকায়দা লৈবী অশংবী দেবীগী য়ূমদা শক্তি লৈরবা বোম অমা লংশিল্লম্লে।
লৈকায়গী মীয়াম অমদি ঈমূঙ অদূগী মীচমশিংদা শক্তি লৈরবা বোম লংশিন্দুনা অকি-অখঙ মায়োক্নহনখিবা থৌওং অদূবু য়াম্না কন্না য়ানিংদবা ফোঙদোকপগা লোয়ননা লৈকায়গী ঈমাশিংনা ৱাকৎ মীফম অমা চত্থখ্রে। ঙরাং নিংথৌকাবা নুমিৎকি নুংথিল পূং অনী তাবদা ৱাকৎ মীফম অদূ পাঙথোকখিবনি।
অপূনবা মৈরা পায়বী নূপী লূপ, কোংপাল অমদি কোংপাল খাইদেম লৈকাই ৱেলফ্যের এসোসিয়েসন অনীনা খূৎশম্নদুনা পাঙথোকখিবা ৱাকৎ মীফম অদুদা শরুক য়াখিবা মশীঙ য়াম্লবা মীয়াম্না, মীচম-মীয়াম মরক্তা বোম লংশিন্দুনা অকী-অখঙ থোকহনবগী থৌওং য়াবা ঙম্লোই, পেন্দবা পূম্নমক ৱারী শানরগা ৱারোয়শিন পুরক্নবা হোৎনৌ, মতূঙদা অসীগুম্বা থৌদোকশিং অমূক হন্না থোকহনবিগনু হায়বনচিংবা প্লেকার্দশিং শীজীন্নদুনা পেন্দবা ফোঙদোকখি।
ৱাকৎ মীফম অদূ লৈকায় অদূদা লৈরিবা নিংথৌজম মান্দপতা চত্থখিবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি