চহী খূদীঙগী য়েন্নীং গ্ৰূপ কুম্বিনা কনা লৈজদ্রবশিং, হকচাং অমদি পূক্নীং ৱাখলগী ওইনা মীমান্নদ্রবশিং অমদি ঈমূং মনূঙগী ওইনা শেল-থুমগী খুদোং চাদ্রবশিংদা মতেঙ পাংদুনা লাকখিবগুম ঙরাংসু খনগৎলবা মীওই ২১ দা শেল অমদি অচা-অথক্কি তেংবাংশিং য়েন্থোকখ্রে।
য়েন্নীং গ্ৰূপকি প্রোপ্রাইটর হুইদ্রোম নারেস সিংহনা লুচিংবা গ্ৰূপ অসীগী মেম্বরশিংনা তোঙান তোঙানবা মফমশিংদা কোয়না চত্তুনা তেঙবাং পোৎলমশিং য়েন্থোকখিবা থৌরমদুদা কুম্বি সেটুপুর, ৱাঙূ তেরাখোং, খোইজুমানতাবি, কাংশোইবী মপাল, নোংমাইখোং, কোম্লাখোংনচিংবা মফমশিংদা লৈবা ঈমূঙশিংদা চেঙ, হৱাই, অচাথাউ, আলু, তীলহৌ, চনম, থুম অমদি শেলগী তেঙবাং পীরমখি হায়রি।
গ্ৰূপ অসীগী মেম্বর ওইরিবা অবূংনা ফোঙদোরকপদা, গ্ৰূপকি মেম্বরশিংনা লুহোংবা, থাবল চোংবা, ঈশৈ-নোংমাইগী শৈফমশিং, লাই হরাওবনচিংবা থৌদোকশিংদা ধোল থীল্লুবা, পূঙ য়ৈরুবা, ঈশৈ শক্লুবা, মৈ থাল্লুবা,বেন্দ খোংবনচিংবদগী ফংলকপা শেনফমশিংদগী খরা-খরা তূঙশীনহৌবা শেনফম্না লৈত-লায়রবশিং, মীমান্নদ্রবশিংদা অমূক মতেঙ পাংবনি হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি