ঙরাং জুলাই ১৩ গী অহীঙ নোংয়াই মতূঙ পূঙ ২ রোম তাবদগী ঙরাং অঙনবা অয়ুক পূঙ ৪ রোম তারকপা অদূৱায়ফাওবগী মরক্তা নোরথ ইষ্ট ইন্দিয়াগী লালহৌলূপ কয়ানা খূৎলীংদুনা ষ্ট্রোংহোল্ড ওইরিবা ম্যান্মারগী সগাইং রিজন্দা ইন্দিয়ান আর্মীনা খঙহৌদনা বোর্দর লান্না দ্রোন থাজীন্দুনা অকনবা সর্জিকেল ষ্ট্রাইক চত্থখ্রে। সগাইং রিজন্দা লৈরিবা য়ুনাইটেদ লিবরেসন ফ্রন্ট ওফ আসোম ( ঊলফা)- আইগী মমীং লৈরবা কেম্প নম্বর -৭৭৯ য়াওনা এন এস সি এন-কে গী কেম্পশিংদা অকনবা মওংদা এয়রষ্ট্রাইক চত্থবদা য়াম্না চাউনা অমাঙ- অতা কয়ামরুম থোকহনখি হায়রি।
পি আই বি দিফেন্স ৱিংগী স্পোক্সপর্সন অমনা খঙহল্লকখিবা মতূঙ ইন্না, এয়রষ্ট্রাইক অদুদা ঊলফাগী টোপ কম্মান্দর নায়ন আসোম য়াওনা য়ামদ্রবদা লালহৌলূপ অসীগী টোপ লিদর অহুম শিরম্লগনি হায়বগী অচেৎপা থাজবা লৈরে হায়রি। লূপ অসীগী ওইনা অতৈ কাদর ১০ সু অশোক- অপন নংহনখ্রে অদূগা মফম অদুগা নক্ননা লৈরিবা এন এস সি এন-কে গী কেম্প অমদসু অকনবা সর্জিকেল ষ্ট্রাইক চত্থবদা লূপ অসীগী কাদর কয়াসু শিবা, শোকপনচিংবা য়াওখ্রে হায়রি।
সগাইং রিজন মনূঙচন্না লৈরিবা হায়াদ বষ্টিদা লৈরিবা লালহৌলূপশিংগী কেম্পশিং অদূ ঊফূল তানা নৈখায়খি। থৌদোক অদুদা মনিপুর তম্পাক্তা বেজ তৌবা লালহৌলূপ খরগী কেম্প শিংসু চাউনা অমাঙ- অতা থোক্লম্বা য়াবগী চাউনা ওই থোকপা লৈরি হায়রক্লি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি