ইম্ফাল জুলাই ১৪: কুকি-জো মিলিটেন্টশিংনা নাগা তাবা, মরু ওইনা তমেংলোং অমসুং নোনে দিষ্ট্রিক্ট অনী তাইনফমদা লৈরিবা নাগা তাবা এরিয়াশিংদা তাইগর রোদ, জর্মন রোদ হায়বনচিংবা অনৌবা লম্বীশিং জৌজাংতেক, নাতো-কবুই,ইচুম কবুই,কোটলেন্ড, ৱাকোং অমসুং ইরেং হায়রিবা নাগা এরিয়াশিং ফাওরগা শেমগৎননবা নৌনা থৌরাংশিং পায়খৎপা হৌরক্লিবা অসী মরম চাদে হায়রি।
মশীগা লোয়ননা রোংমৈ, লিয়াংমৈ অমসুং ইনপুই নাগাশিংনা খুন্দারিবা এরিয়াশিংগী অকোয়বদা, সূ দা লৈরিবনি হায়বা কুকি-জো কাঙলূপকি মিলিটেন্ট শিংনা মখোয়গী বঙ্কর অমসুং কেম্প কয়ামরুম নৌনা শাজিল্লক্তুনা হৌজিক খূৎলায় মতীকচানা পায়রবা কাদর ১০০০ হেন্না লৈশিল্লিক্লিবা অসীনা মায়কৈ অসোমগী মীচম মীয়ামদা য়াম্না চাউনা মিপাইবা পোকহল্লে। নাগা মীয়ামগী টেরিটোরিয়েল, সোসিয়েল, ইকোনোমিকেল কন্দিসন্দা অচৌবা চৈথেং পীরক্লি হায়না রোংমৈ নাগা কাউন্সিল, মনিপুরনা ফোঙদোরক্লি।
মরম অদুনা ওইরক্লিবা ফীভম কয়াসি খন্থবিদুনা, কুকিশিংনা অনৌবা লম্বীশিং নাগা এরিয়াদা শেম্ননবা থৌরাং তৌরক্লিবসি থিংবিয়ু অদুগা নাগা এরিয়াগী মফমশিংদা কুকি-জো মিলিটেন্টশিংনা মখোয়গী বঙ্কর অমসুং কেম্প কয়ামরুম নৌনা শাজিল্লক্লিবসি অতোপ্পা মফমশিংদা হোংদোকহনখিনবা থবক পায়খৎপীয়ু হানা এন এস সি এন- আই এমগী মিনিষ্ট্রি ওফ কিলো এফ্যের্স কি কিলো কিলোন্সর দা কাউন্সিল অসীনা মেমোরেন্দম পীশীন্দুনা ৱাকৎখি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে