নোর্থ ইষ্ট গ্রোথ লেব ৯০ লোঞ্চ তৌখে

অৱাং-নোংপোক ভারতকী এন্ত্রিপ্রেন্যুওরেল পোতেন্সিএল পুথোক্নবা থৌনা ফরবা খোঙথাং অমা ওইনা, আই.আই.এম.এ. ভেঞ্চর্সনা এস.এ.পি.গা খুৎশম্নদুনা নোর্থ ইস্ত গ্রোথ লেব (এন.ই.জি.এল.) ওফিসিএল ওইনা লোঞ্চ তৌখ্রে।  প্লেৎফোর্ম অসিনা অৱাং-নোংপোক্কী রাজ্যশিং অসাম, অরুনাচল প্রদেশ, মনিপুর, মেঘালয়া, মিজোরাম, নাগালেন্দ, ত্রিপুরা অমসুং সিক্কিম পুম্নমক্তা ইন্নোবেসন, এন্তর্প্রাইজ গ্রোথ অমসুং ইনক্লুসিব দিবেলপমেন্ত পুক্নিং থৌগৎনবা পান্দম থম্লি।

এন.ই.জি.এল. অসি ৱার্ল্দ বেঙ্কনা মতেং পাংলিবা অসাম এগ্রোবিজিনেস গ্রোথ লেব (এ.এ.জি.এল.) গী মায় পাকপদা য়ুম্ফম ওইরগা হৌদোকখি অমসুং মথংগী চহি অহুম অসিদা স্তার্ত-অপ অমসুং সোসিএল এন্তর্প্রাইজ ৯০ হেনবদা মতেং পাংনবা দিজাইন তৌরি। প্রোগ্রাম অসিনা কেতালাইতিক কেপিতেল (গ্রান্ত অমসুং ওপ্সনেলী কনভর্তিবল দেব য়াওনা), ত্রেনিং, তেলর মেন্তরিং অমসুং মার্কেৎ এক্সেস পীদুনা পোতেন্সিএল ৱাংবা ভেঞ্চরশিং হিংহনগনি অমসুং চাউখৎহনগনি।

ওন্তপ্রিন্যুওরশিপ পুক্নিং থৌগৎপদা আই.আই.এম.এ. ভেন্তর্সকী এক্সপর্তীস অমসুং ইন্নোবেসনদা এস.এ.পি.গী অচেৎপা ফিরেপ শিজিন্নদুনা, এন.ই.জি.এল.না লমদম অসিদা শেন্মিৎলোনদা অচৌবা শাফু অমা পীগনি। লাক্কদৌরিবা চহি মঙা অসিদা, প্রোগ্রাম অসিনা মীওই ৫০০,০০০দাম মরুওইনা শেল-থুমগী ফিবম শোক্লবা অমসুং লোদগী মিদ্দল ইনকমগী কাংলুপশিংদা কান্নবা পীগনি হায়না পানরি। মসিগী পান্দমদি লুপা করোর ১০০গী এন্তর্প্রাইজ ভেল্যু জেনরেসন পুথোকপা অমসুং এ সিরিজ ফন্দিংগী মায়কৈদা অৱাংবা পোতেন্সিএল লৈবা স্তার্তঅপ ১০গী গ্রোথ কেতালাইজ তৌবা অসিনি।

এন.ই.জি.এল.না স্তার্ত-অপশিংদা ইনক্যুবেসন, একসিলরেসন অমসুং শেলগী তেংবাং পীদুনা রিজনেল ইকোনোমিক গ্রোথ য়োকখৎনবগীদমক প্লেৎফোর্ম অমা ওইনা মথৌ তৌগনি। প্রোগ্রাম অসিদা ইকোসিস্তেম শেমগৎপগী থবক থৌরমশিংগী চহিগী কেলেন্দর অমা য়াওগনি, মসিগী মনুংদা অৱাং নোংপোক ভারত অমসুং মরুওইবা মেত্রো শহরশিংদা পাংথোকপা স্তার্তঅপ আউৎরীচ, ইনভেস্তমেন্ততা মীৎয়েং থম্লিবা দেমো দে, অমসুং কেপাসিতী বিল্দিং বুত কেম্পশিং য়াওরি। মসিগী মথক্তা, দিবেলপমেন্ত এজেন্সীশিং, ইন্সতিত্যুস্নেল ইনভেস্তরশিং অমসুং সরকারগী বোদীশিং হায়বদি নাবার্দ, এন.ই.দি.এফ.আই., এন.ই.ঐচ.ঐচ.দি.সি., এন.ই.আর.এ.এম.এস.সি. অমসুং অৱাং নোংপোক লমদমগী চাউখৎ থৌরাং মন্ত্রালয় (এম.দোনর) গা লোয়ননা স্ত্রেতেজিক কোলাবোরেসনশিং লিংখৎকনি।