হৌজিক মনিপুরদা থোক্লিবা ঈরাংগী থৌদোকশিং অসীগী সোল্যুসন অমা পুরক্লবা মতূঙদা মীয়ামগী লৈঙাক অমা শেম্ননবা মতম পূম্নমক্তা ঐখোয়গী এম এল এ শিংনা থৌরাং তৌদুনা লৈরি। পোপ্যুলর লৈঙাক অমা লমদমশিদা থম্বা হায়বসী মীয়াম অমসুং মীয়ামগী মীহূৎশিংগী অপাম্বনি হায়না ৱাংখৈ কেন্দ্রগী এম এল এ থাংজম অরুনকুমারনা ফোঙদোকখ্রে।
কেন্দ্র অসীগী মমাঙগী এম এল এনা শাবা হৌগৎলম্লবা ন্যু চেক্কোন কম্যুনিটি হোল অদূ মহাক্না এম এল এ লোকেল এরিয়া দেভলপমেন্ট ফন্দগী শেনফম থাধরগা য়াম্না থুনা লোইশিল্লবা মতূঙদা ঙরাং শঙ্গাদুনা মীয়ামদা শিন্নখিবনি।
মহাক্না থৌরমদুদা মখাতানা হায়, মনিপুরদা মীয়ামগী মীহুৎশিংনা লৈঙাকচবা লৈঙাক অমা শেম্ননবা এম এল এ শিংনা ঙাইহাক লৈতনা সেন্তরগী লুচিংবশিংদা তকশীন্দুনা লাক্লি। হৌজিক মায়োক্নরিবা হীঙশাগী থৌদোকশিং, কাঙলূপ অমগা অতোপ্পা কাঙলূপ অমগা মূক্নবগী ফীভম অসীগী তুংকোইনা চৎনগদবা ৱারোয়শিন অমা পুরক্লবা মতূঙদা মীয়ামগী লৈঙাক অমা ষ্টেট অসীদা শোয়দনা শেম্লক্কনি হায়না মখা তানা এম এল এ অসীনা ফোঙদোকখি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা