চৎলিবা মে থা অসীগী তরাদা জম্মু অমসুং কাস্মিরগী আর এস পুরা সেক্তরদা পাকিষ্টান রেঞ্জরশিংনা চত্থরকখিবা দ্রোন এত্তেকতা লৈখিদ্রবা তরেৎশুবা বি এস এফ বট্টালিয়নগী কন্সটেবল চিঙাখম দিপক কি য়াইরিপোক য়াম্বেম মথক লৈকায়দা লৈবা য়ূমদা ঙরাং মনিপুর লেজিসলেটিভ এসেমব্লিগী স্পিকর থোকচোম সত্যবর্তা না লুচিংবা এম এল এ শিংগী টিম অমনা চত্তুনা অৱাবা ফোঙদোকপগা লোয়ননা লৈখিদ্রবগী মফমদা ঈকায়খুম্নবসু ঊৎখ্রে।
মহাক্কি ঈমূঙ-মনূঙনা মহাক কায়নবগী নুঙাইতবা, খুদোংচাদবশিংদা মপূঙফানা শরূক য়ারি হায়না এম এল এ শিংগী টিম অদূনা ফোঙদোকখিবগা লোয়ননা মিনিট অনী তূমিন্না লেপ্তুনা লৈখিদ্রবগী থৱায় মিরেলনা তাইবং মপূগী লৈকোলদা ঈংনা-চীক্না লৈরুনবা থৌনিজখি। স্পিকরনা লুচিংবা এম এল এ শিংগী টিম অদূনা লৈখিদ্রবগী ঈমূঙদা মতেং ওইনবগীদমক শেলগী তেঙবাংসু পীরমখি।
লৈখিদ্রবা দিপক্কি মনাওনূপাদা লৈঙাক্কি মায়কৈদগী চানবা থবক অমা পীবীননবা এম এল এ শিংগী টিম অদূদা ঈমূং মনূঙগী মায়কৈদগী তকশীনখি। খোঙচৎ অদুদা স্পিকর সত্যবর্তা গা লোয়ননা এম এল এ শৈখ নুরুল হাসন, পাউনম ব্রোজেন, কোংখাম রোবিন্দ্রো, টি রোবিন্দ্রো, কে ঐচ লোকেন, দা. ৱাই রাধেশ্যাম, সাপম নিশিকান্ত অমসুং এল রামেশ্বরসু শরুক য়াখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে