নোংমৈ অমসুং নোংমৈ মরূশিং আইন কায়না লৈবা-য়োনবা তৌদুনা চাউনা কারবার অসীদা চেন্নরম্বনি হায়বা মীওই অহুম সেক্যুরিটি ফোর্সনা ফাগৎপা ঙমখ্রে। ইম্ফাল ইষ্ট দিষ্ট্রিক্টকি শগোলমাঙ পুলিশ ষ্টেসন মনূঙচন্না লৈবা পুখাউ অহল্লূপ মখা লৈকায় ৱায়টিং সেদ মনাক্তগী মীওই অহুম অদূ সেক্যুরিটি ফোর্সনা ফাগৎপা ঙমখিবনি।
নোংমৈ লল্লোনবা নূপা অমদা লূপা লাখ অহুম মখায়দা মমল য়ানরদুনা নোংমৈ অমা অমসুং মরূশিং য়োন্ননবা ঙাইদুনা লৈরিঙৈদা মখোয় অহুমদু ফাগৎপা ঙমখিবনি হায়রি। মখোয় অহুম অদূদি ইম্ফাল ইষ্ট দিষ্ট্রিক্টকি মনূঙচন্না লৈবা পুখাউ অহল্লূপ অৱাং লৈকায়দগী নাউরেম নাউচা মৈতৈ এল্লাইজ চীঙলাকপা (৩৮), লৈশাংথেম ইনাওতোন এল্লাইজ অফাও (২৩) অমসুং অয়েকপম বোলবোই মৈতৈ এল্লাইজ ইশান্ত মৈতৈ হায়রিবশিং অসীনি। মখোয় অহুম্মক লৈকায় অদূমক্তদগীনি হায়রি।
মখোয়দগী সেক্যুরিটি ফোর্সনা মেগজিনগা লোয়নবা ইন্সাস রাইফল অমা, ৭.৬২ এম এম রাইফলগী মরূ ৮, মোবাইল হেন্দ সেট অহুম, ৱাল্লেট ২ অমসুং আই দি কার্দ অনীসু ফংবা ঙমখ্রে হায়রি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি