চৎলিবা মে থা অসীগী ১০ দা পাকিষ্টান লান্মীনা দ্রোন এত্তেক চত্থরকপদা লৈখিদ্রবা মনিপুরদগী বোর্দর সেক্যুরিটি ফোর্সকি কন্সটেবল দিপক চীঙাখমগী থৱায় য়াওদ্রবা হকচাং ঙরাং নুংথিল পূঙ অমা মখায় তাবদা ইম্ফালগী বির টিকেন্দ্রজিৎ ইন্টরনেস্নেল এয়রপোর্টতা য়ৌরকখিবগা লোয়ননা গভর্নর অজয় কুমার ভাল্লানা লুচিংবা অৱাংবা থাক্কি ওফিসিয়েল কয়া শরুক য়াদুনা লৈ-শু কত্তুনা ঈকায়খুম্নবা ঊৎখ্রে।
থা অসীগী ১০ দা জম্মু কাস্মিরগী আর এস পুরা সেক্তরগী খারখোলা বোর্দর আউটপোষ্ট তা মশাগী দ্যুটি তৌদুনা লৈরিঙৈদা পাকিষ্টান লান্মীনা দ্রোন এত্তেক চত্থরকপদা দিপক শোকপদগী হোস্পিটালদা পুখত্তুনা লায়কন্নখ্রবসু নোংঙাল্লগা মে ১১ দা সংসারদগী বিদাই লৌখিবনি। মহাক য়াইরিপোক য়াম্বেম মথক লৈকায়দগীনি।
মহাক্কি থৱায় য়াওদ্রবা হকচাং অদূ ইম্ফালগী বির টিকেন্দ্রজিৎ ইন্টরনেস্নেল এয়রপোর্ট তা থুংলবদা গভর্নর অজয় কুমার ভাল্লানা লুচিংবা মনিপুরগী চিফ সেক্রেটরি, বি এস এফকি দি জি, মকোকথোংবা ওফিসরশিং, তোঙান-তোঙানবা পোলিটিকেল পার্টিশিংগী এম এল এ শিং শরুক য়াদুনা লৈ-শু কৎনরবা মতূঙদা য়াইরিপোক্তা লৈবা মশাগী য়ূমদা অরোয়বা মথৌ মঙম পাঙথোকখি। মনিপুর লৈঙাক্না মহাক্কি ঈমূঙদা লূপা লাখ ১০ গী এক্স-গ্ৰেসিয়া পীরগনি হায়নসু লাউথোকপা লৈখ্রবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি