রিজনেল ইন্সটিট্যুট ওফ মেদিকেল সাইন্সেস(রিমস) তা এম বি বি এস তম্লিবা মহৈরোয়শিংনা রিমসকি দিরেক্তর, দিন অমসুং সব-দিন খূদক্তা শিন্দোক্কদবনি হায়বা দিমান্দ তকশীন্দুনা চৎলিবা মে থা অসীগী তরেত্তগী চত্থরকখিবা মাস প্রোটেষ্ট হেন্না কন্সীল্লক্কদৌরি।
প্রোটেষ্ট অসীগী নীনী চনবা নুমিত্তা ঙরাংসু রিমসকি কেম্পসতা মহৈরোয়শিং থোক্লক্তুনা ইন্সটিট্যুট অসীগী দিরেক্তর, দিন অমসুং সব-দিন খূদক্তা লৌথোক্কদবনি, মরী লৈনবা হায়র অথোরিটিনা মখোয়গী দিমান্দ অদূ পীদ্রবদি অতৈ মখল-মখা কয়াগী খোঙজঙ চঙশীল্লগনি হায়বা খোল্লাউশিংগা লোয়ননা ইন্সটিট্যুট অসীগী লুচিংবা অহুমনা ফোঙদোকখিবা লৈবাক মচা তাদবা ৱাফমশিং অদুনা মখোয়গী থম্মোয়দা তাশোন্না থিনবগা মান্ননা নুঙাইতবা ফাওহল্লে হায়না থাবা প্লেকার্দ শিং শীজিন্নখি।
মহৈরোয়শিং অসীনা হৌখিবা এপ্রিল ৩০ দা পিকনিক অমগীদমক চৎননবা থৌরাং তৌরিঙৈদা দিরেক্তরনা, “নখোয় পুম্নমক নশাদা শেৎলিবা-লীৎলিবা ফি-রোলশিংদু লৌথোক্লগা দান্স তৌরো, নশা নতোমতা আত্মাঘাট তৌদুনা শিজখ্রো, মদূ নত্রবদি ঐনা নখোয়বু থৌরী য়ান্দুনা হাৎকনি”, হায়না ফোঙদোরকখিবনি হায়রি। রিমসকি দিন অমসুং সব-দিন অনীনসু মহৈরোয়শিং অসিদা অকনবা, লূজদবা ৱাফম কয়ামরুম ফোঙদোকখি হায়রি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি