কম্বাইন্ড সেক্যুরিট ফোর্সনা মনিপুরগী চীঙ অমসুং তম্পাক্কা তাইনরিবা তোঙান তোঙানবা চিংননিঙায় ওইবা এরিয়াশিংদা পাক- সন্না সর্স ওপরেসনশিং চত্থখিবগা লোয়ননা এরিয়া দোমিনেসনগী থবকসু কন্সীনখ্রে। হৌখিবা পূঙ ২৪ গী মতমসিদা নেস্নেল হায়ৱে নম্বর ৩৭ তা মীয়ামগী তঙায়ফদনা চঙদবা য়াদ্রবা চীঞ্জাক অমসুং অতৈ পোৎলমশিং পুশিল্লকপা গারি ১৭৯ অশোয়- অঙাম থোক্তনা ইম্ফাল য়ৌশিল্লকখ্রে। নেস্নেল হায়ৱে নম্বর ২ দসু হায়রিবা মতমসিগী মনূঙদা মাল পুরকপা গারি ৩১০ ইম্ফাল তম্না চঙশীল্লকখ্রে।
খুদোংথীনিঙায় ওই হায়না খনবা নেস্নেল হায়ৱে শিংগী তোঙান তোঙানবা মফমশিংদা সেক্যুরিটিগী অকনবা চেকশীন থৌরাং কয়া লৌখত্তুনা মীয়াম অশোয়- অঙাম য়াওদনা, নুঙাইনা চত্থোক-চৎশিন তৌহল্লি। হৌখিবা থাখায় অসীদা নেস্নেল হায়ৱে পরীংদা চৎলিবা গারিশিংদা য়ৈখায়-থিনগাইবা অমসুং নমদূনা লম্বীদা চত্থবা এক্স টোর্সন্নচিংবগী থৌওং অমত্তা থোকখিবা লৈত্রি।
হৌখিবা ফেব্রুয়ারি ১৩ গী নুমিদাংৱাইরমদগী মনিপুরদা প্রসিদেন্ট রুল চল্লাইখ্রবা মতূঙদগী হীঙশাগী ঈরাং থোকপগী চাং য়াম্না হন্থরকপা মীয়াম্না উবা ফংলক্লি। শান্তি হঞ্জিল্লকপগী মমি অমা তপ্না-তপ্না তারক্লি। মায়কৈ অশোমদা য়েংলুরবদি পোপ্যুলর লৈঙাক্কি মহূৎ মতম শাংনা পি আর ওইনা লৈবা অসীনা হেন্না শাফরে হায়না ফোঙদোক্নরকপা মীওই কয়াসু লৈরি।হৌজিকফাওবদা নাকা/চেকপোইন্ট ১০৯ হাংদোক্তুনা অকনবা মওংদা অচৎ- অওকশিং চেক তৌরি হায়রি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে