আয়ুসমান ভারত- প্রধান মন্ট্রি জন আরোগ্যা যোজনা( এবি-পি এম জে এ ৱাই) অমসুং চিফ মিনিষ্টরগী হকসেলগী তেংবাঙ (সি এম ঐচ টি) গী মতাঙদা মীয়ামদা মপূঙফানা ৱাখল তাহন্ননবা পান্দমদা ষ্টেট লেভেলগী ওইবা নুমীৎ নিনী চত্থগদবা সেন্সিটাইজেসন ৱার্কশোপ অমা ঙরাং ফেব্রুয়ারি ২৭ তা হৌদোকখ্রে। ঙসি ফাওবা চত্থগদবা সেন্সিটাইজেসন ৱার্কশোপ অদু ষ্টেট লৈঙাক্কি হেল্থ দিরেক্তরেটকি মখাদা লৈরিবা ষ্টেট হেল্থ এজেন্সি, মনিপুরনা শীন্দুনা পাঙথোকখিবা সেন্সিটাইজেসন ৱার্কশোপ অদূদা হেল্থ দিপার্টমেন্ট কি ওফিসিয়েলশিং, পেরা লিগেল ভল্লন্টিয়রশিং অমসুং মেদিয়াপার্সনশিং শরূক য়াখি।
হেল্থ দিপার্টমেন্ট গী ওফিসিয়েলশিংনা পি এম জে এ ৱা ই অমসুং সি এম ঐচ টি না মীয়ামদা পীরিবা কান্নবশিং, গ্ৰিভান্স সেলনা মীয়ামদা ফংল্লিবা খুদোংচাবশিং, মনিপুর অমদি ইন্দিয়াগী তোঙান তোঙানবা মফমশিংদা লৈরিবা লেম্না লায়েংনবগী ইম্পেনেল্ড তৌরবা হোস্পিটালশিংগী মতাঙদা মীয়ামদা মপূঙফানা খঙহনখি।
হেল্থ কার্দ পায়রবা মতূঙদা মতৌ করম্না লেম্না অনা- লায়েঙগী খুদোংচাবশিং লৌননবা হোৎনগনি লোয়ননা করম করম্বা অরুবা লায়নাশিং লৈঙাক্কি ইম্পেন্নেল্ড তৌরবা হোস্পিটালশিংদা খুদোংচাবা পীরিবগে হায়বনচিংবা কয়া ওফিসিয়েলশিংনা ফোঙদোকখি। থৌরমদুদা শরুক য়াখিবা পার্টিসিপেন্টশিংদা পার্টিসিপেসন সার্টিফিকেটশিংসু য়েন্থোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে