ন্যু দিল্লিগী ১১- শফদর্জং রোদতা ঙরাং রিপব্লিকান পার্টি ওফ ইন্দিয়া (আর পি আই) অথৱালেগী দিল্লি য়ূথ ৱিং শেমদুনা পার্টিগী মপাঙ্গল হেন্না কনখৎহনখ্রে।থৌরমদুদা শরুক য়াখিবা পার্টি অসীগী নেস্নেল সেক্রেটরি থৌনাউজম মাহেশ্বরনা হায়, মহাক মশামকসু হৌজিক মতমদা মীয়াম্না উবা ফংলিবা অমোৎপা রাজনিটি অমসুং শেঞ্জা-থুমজাগী কলচর অমা লৈরক্লিবসি শেমদোকপা পাম্বদগী রাজনিটিদা চঙলকখিবনি।
নৌরিবা নহারোলশিংনা খুন্নাই অসীগী ফত্রবা মহীকশিংদা ফজরবা পারা তম্বীদুনা ঐখোয়গী তুংদা হৌরক্লিবা মীরোলশিং শেমগৎনবা, তীঞ্জঙ-কায়জঙদবাখুন্নাই অমা থম্ননবা হোৎনগদবনি। পোক্লবদি অমুক শিবা হায়বসি শোয়দ্রবনি। অদূম ওইনমক খুন্নাইগী তুংগীদমক কান্নহৌগদবা থবক খরা পাঙথোক্লমদনা শিখিবদি পোকঙমদনা পোকপা মীওই মপোকশিদা য়াম্না পাম্মুই হায়খি।
আর পি আইনা খুন্নাই অসীগী অমোৎপা শেংদোক্ননবা মখা তানা থবক পায়খৎখিগনি হায়না মাহেশ্বরনা ফোঙদোকখি। মশা-মশাখক্কি অমসুং ঈমূঙ-মনূঙগী ওইজ- ওইথক্কি, কান্নগদবা য়েংলগা পোলিটিক্সতা চঙলকপা মীনা মশীঙ য়াম্বদগী লৈবাক অসীদা মখল মখা কয়াগী ৱাথোক লৈরিবনি হায়না মাহেশ্বরনা মখা তানা ফোঙদোকখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে