মনিপুরগী গভর্নর অজয় কুমার ভাল্লানা মীয়াম মরক্তা হৌজিক লৈরিবা ইল্লিগেল আর্মশিং চয়োল অমগী মনূঙদা মরী লৈনবা অথোরিটিদা শিন্নরক্নবা চৎলিবা থা অসীগী ২০ দা অকনবা নোটিস থোক্তুনা মীয়ামদা লাউথোকখ্রবা মতূঙদা মায়কৈ কয়াদগী খূৎলায়শিং সরেন্দর মথঙ-মথঙ তৌরকপা লেপত্রি।
তোঙান তোঙানবা পুলিস ষ্টেসনশিংদা খূৎশু-খূৎলায়শিং থিনগৎনরক্লি। গভর্নর অজয় কুমার ভাল্লানা থাখিবা নোংমৈশিং থিনগৎলকপগী মতমসু ঙসী লোইরে। মীয়াম্না খূৎলায়শিং সরেন্দর তৌরকপগী মতম শাংদোকপিয়ু হায়রবসু হৌজিক ফাওবগী ওইনদি অনৌবা মতম থাদুনা এক্সটেন্দ তৌরকপা লৈত্রি। মনিপুরগী চিফ সেক্রেটরি পি কে সিংহনা ফোঙদোকখিবা মতূঙ ইন্না, করিগুম্বা গভর্নরনা চয়োল অমগী দেদলাইন থারিবা অসীদা মরী লৈনবশিংনা থৌশাদবা তারবদি মশা- মশানা মদূগী তেকচাক পুজগদবনি, মখাতানা মতম শাংদোকপা তৌরোই হায়না খঙহনখিবনি।
ঙরাং ককচীঙ দিষ্ট্রিক্টকি মফম কয়াদা মীয়ামগী মীফমশিং পাঙথোক্তুনা খন্ন- নৈনখিবগা লোয়ননা দিষ্ট্রিক্ট অদুগী কম্মান্দো য়ুনিটশিং, পুলিস আউটপোষ্ট অমদি পুলিস ষ্টেসনশিংদা য়াম্লবা খূৎশু-খূৎলায়শিং শিন্নরকখি। ককচিঙগী এস পি বিক্রমজিৎ য়াওখিবা থৌরম অমদা সরেন্দর তৌরকখ্রবা খূৎলায়শিং অদূ পাউমীশিংগী মমাঙদা পুথোকখি। খূৎলায়শিং সরেন্দর তৌরকখিবা মীওইশিং অদুগী মমীং মথাদি এস পিনা ফোঙদোকখিদে।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে