মনিপুরগী গভর্নর অজয় কুমার ভাল্লানা নুমিৎ ৭ নিগী মনূঙদা খূৎলায়শিং সরেন্দর তৌরক্কদবনি, মদূ নত্রবদি ফোর্স শীজিন্নরগা লৌখৎলগনি হায়না মরী লৈনবশিংদা অকনবা অমসুং অরোয়বা ৱার্নিং পীখ্রবা মতূঙদগী হৌজিক তোঙান তোঙানবা মীওই অমসুং লূপশিংগী মায়কৈদগী মরী লৈনবা পুলিস অথোরিটিশিংদা খূৎশু-খূৎলায়শিং পীশীন্নরক্তুনা সরেন্দর তৌবা হৌনরক্লি হায়রি।
চুরাচান্দপুর অমসুং কাংপোকপি এরিয়াশিংদসু খূৎলায় কয়া সরেন্দর তৌনরক্লি হায়না চুরাচান্দপুর দিষ্ট্রিক্ট কি এস পি প্রখার পান্দেনা ফোঙদোরকখ্রে। হৌখিবা থাংজা নুমিত্তা চুরাচান্দপুর দিষ্ট্রিক্ট পুলিস অথোরিটিদা খূৎশু-খূৎলায়শিং খরসু সরেন্দর তৌরকখ্রে। খূৎলায়শিং অদুদি এম-১৬ রাইফল অমা, ৭.৬২ এম এমগী সেল্ফ লোদ্দিং রাইফল ( এস এল আর) অমা, এ কে রাইফল অনী, ইন্সাস রাইফল অহুম, এম-৭৯ ৪০ এম এমগী অন্দর বেরেল গ্ৰেনেদ লোঞ্চর ( য়ু বি জি এল) অনী, ৯এম এমগী কার্বাইন মেচিনগন অমা, ৫১ এম এমগী মোর্টার অমা, থ্রী নোট থ্রী রাইফল অহুম অমসুং সিঙ্গল বেরেল রাইফল অনিনি হায়রি।
মীয়াম্না পুলিস অমসুং এম আরগী তোঙান তোঙানবা আর্মরিশিংদগী লুট তৌখিবা অমসুং সেক্যুরিটি পার্সনেলশিং ওভরপৱার তৌরগা য়াম্লবা খূৎশু-খূৎলায়শিং লৌবগী থৌদোক কয়ামরূম লৈরিবনি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে