হৌখিবা কুমশিং ২০২৩ গী মে অহুমদগী কুকি- নার্কো- টেরোরিষ্ট শিংনা চত্থরক্লিবা হীঙশাগী ঈরাং অসীনা মরম ওইদুনা চহী অমা মখায় হেন্না থোঙ লোন্দুনা লৈরকখ্রবা, বোর্দর টাউন মোরেদা লৈরিবা সব- দিবিজনেল হোস্পিটাল নৌনা হাংদোক্তুনা ফঙ্কসন তৌবা হৌখ্রে। তেংনৌপল দিষ্ট্রিক্টকি চিফ মেদিকেল ওফিসার দা. আনখোংনা মোরে ব্লোক অমসুং দিষ্ট্রিক্ট অদুগী তোঙান তোঙানবা মফমশিংদা লৈরিবা সিভিল সোসাইটি ওরগনাইজেসন শিং অমসুং মরী লৈনবা ষ্টেকহোল্ডরশিংগা খূৎশম্নরগা কন্না হোৎনদুনা হোস্পিটাল অদূ অমুক নৌনা হাংদোক্তুনা মথৌ পাঙথোকপা হৌখিবনি হায়রি।
নৌনা হোস্পিটাল হাংদোকখিবা থৌরম অদু পাষ্টর ফেল্লোশিপ মোরেগী সেক্রেটরি রেবরেল কে কে হাহাউ গাংটেনা লুচিংবদুনা পাঙথোকপা সোলেম ব্লেসিং প্রেয়র অমগা লোয়ননা হৌদোকখি। হোস্পিটাল অদুগী দাক্তরশিং, নর্স শিং অমসুং অতৈ মেদিকেল ষ্টাফশিংগীদমক তাইবং শেম্বিবা মপূ মহাক্কি মফমদা পূন্না থৌনিজখি।
থৌরম অদুদা কম্যুনিটি লিদরশিং, সেক্যুরিটি ফোর্স পার্স নেলশিং, মরু ওইনা মঙাশুবা আসাম রাইফলসকি কম্মান্দিং ওফিসারসু শরুক য়াখি। নৌনা হোস্পিটাল হাংদোকখিবা অসিনা বোর্দর টাউন মোরেদা হেল্থ কেয়রগী হীরমদা মতম শাংনা খুদোংচাদবশিং মায়োক্নদুনা লাকপদু কোকহল্লগনি হায়না মীয়াম্না হরাওবা ফোঙদোক্নখি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে